Дарынды балаларды дамыту және білім беру мәселесі

ХХІ ғасырдың зерделі, дарынды, жан-жақты жеке тұлға қалыптастыруда тәрбие беру мәселесі мемлекетіміздің басты назарында. «Ескелді ауданы әкімдігінің Ш.Уәлиханов атындағы орта мектебі» мемлекеттік коммуналдық мекемесінде дарынды оқушылар тәрбиелеу басты орынға қойылған. Мектеп балаларымен жұмыс істеу – ерекше маңызды педагогикалық мәселе. Осыған байланысты дарынды балалармен жұмыс істеудің төмендегідей кезеңдерін анықтауға болады: • Баланың жеке ерекшелігін, дарынын зерттеу; • Балалардың икемділігіне қарай өнімдерін жариялау; • Игерілген нәтижелерді бақылау. Яғни осындай жұмыс істеу бағыттары арқылы бала белгілі бір шеберлікке жеткен соң, оның шығармашылық қабілеті дамиды, өзіндік идеясы туып, үлкен ізденіс пайда болады. В.Белинский «Жас бала дегеніміз – жаңа көктеп келе жатқан жас шыбық, ал ұстаз болса – жаңадан қылтиып өсіп келе жатқан нәзік өсімдікті күтуші бағбан» демекші алдымыздағы шәкірт бойынан талантты байқап, қандай да бір қабілетін дамыту міндетіміз деп ойлаймын.