Достықта жоқ шекара

Достық – табылмас бақыт

Достық... Бұл сөзді дүние жүзіндегі адамзаттың жүзі мен жүрегінен көруге болады.Нағыз достың болғаны өмірдегі қол жетпес бақыттың бірі. Ата-бабаларымыз айтқандай, адамның адамсыз күні жоқ. Адам жүрген жерінде,яғни, сапарда, туған елде, қызметте,бөтен мемлекетте болсын, сыр ашып сөйлесетін, шер тарқататын, қиын жағдайда қол ұшын беретін,ұғынысып түсінетін жақын сырлас жан іздейді. Бұл - дос, оларды байланыстырушы күш – достық. Достық сөзі - мен үшін ең қымбат нәрсе. Адамдар арасындағы туыстық,ағайындар арасындағы ұлы достық отбасынан басталады деп ойлаймын.Отбасында татулық, достық,бірлік болмайынша,болашақ ұрпақ өз мемлекетіндегі достықты түсіне алмайды. Біздің ата-бабаларымыз ел тәуелсіздігін аңсап,елдің өзге елдермен татулықта, бірлікте болуын берік ту етіп ұстанған.Достық қарым-қатынас болмаған жағдайда ел арасында тірлік болмайды,алауыздық орнығады емес пе?! Біздің мемлекетіміз - көпұлтты мемлекет. Қазақ халқы өзге ұлтты жатсынбайды, қара ма, ақ па, сары ма бөлместен бірлікте, ынтымақта өмір сүріп келеді. Осының өзінен бала жүрегіммен халқымның қонақжай, мейірімді, парасатты,дархан екенін ұғынамын.Әріректен сөз қозғасам, Абай атам бастаған ақын – жазушыларымыз орыс білімін оқып,мәдениетінен үлгі алып, болашақ жастарды орыстардан білім-ғылым үйренуге, мәдениетін игеруге шақырды емес пе?! Бұл да ұлы достықтың бастауы деп білемін.Украинаның ұлы кобзары Т.Г.Шевченконың қазақ топырағына қоныстанғанын да айта кетпеске болмайды.Қазақ пен украина халқының достығын Тарас Шевченко байланыстырып тұр емес пе, оның айғағы өз туған жеріме кобзарь аты беріліп, қазіргі таңда Форт-Шевченко қаласы деп аталуын мақтанышпен айта аламын. Дана халқымыз әрқашанда өзінің даналығымен, дархандығымен, өзгені өз баласындай көріп,жатсынбайтын асыл қасиетімен ерекшеленеді. Екі елдің, екі рудың, екі халықтың достасуы – үлкен бақыт.Қазақ халқы халықаралық достыққа, туыстыққа ерекше мән берген. Оның дәлелі - «Қырғыз- қазақ бір туған», «Өзбек – өз ағам», «Түбі бір түркімен» деген халық мақалдары туыстықты айқындайтын дуалы сөздерде.Халқымыздың ұйымшылдығы,ауызбірлігі, басқа халықпен одақтасып достаса білуі – жеңіске жеткізіп, жеріміздің кеңдігін, еліміздің елдігін сақтап қалуға апаратын жол екені айқын. Тілі басқа болғанымен, тілегі бір, түрі басқа болғанымен жүрегі бір өзге ұлт өкілдерімен бауырластықта боп, қоян-қолтық араласып жүрудің өзі бір ғанибет. Кіндік қаным тамып, туып өскен атамекенімнің ауасымен тыныстап, жауырнынан қағып, төс қағыстырып, төрімізден орын алған, еңбегінің адал терімен нан тауып, елге елеулі, халыққа қалаулы боп жүрген өзге ұлт өкілдері, яғни, ақ жаулықты аналарымды атап айтпасам болмас. Олар: ұйғыр қызы Фабиян (Рая) Жолдыбаева, түрікпен қызы Зубайда Жұбаназарова мен Еліміздің достығы, тату-тәтті өмірі бұзылмасын, арқа сүйер достарымыз көбейе берсін! Ата-бабамыздан келе жатқан қатаң қағида, рухани өсиет – достыққа адалдық. Яғни адалдығымыз бұзылмасын! Мемлекеттер арасындағы шекара іргесі мықты болсын!

Аманқос Ақниет

Маңғыстау облысы Түпқараған ауданы Форт-Шевченко қаласы Е.Өмірбаев орта мектебі 5-сынып оқушысы