Елбасы мақаласы - жастарға бағдар беруде!

Елбасы мақаласы жастарға бағдар беруде!

21 қараша күні Елбасы Н.Ә.Назарбаевтың «Ұлы даланың жеті қыры» мақаласы жарияланды. Осыған орай, 29 қараша күні «Қорқыт Ата мемориалды музейі» МКҚМ мекемесінің ғылыми қызметкері Әлиев Мағауия Бердібекұлы «Академик С.А.Джиенкулов атындағы Байқоңыр колледжіне» келіп, студенттер мен білім мекемесі қызметкерлеріне мақаланы таныстырып, түсіндіру жұмыстарын жүргізді. Аталмыш мақала қазақ жұртшылығы үшін маңызды стратегиялық құжат. Мақала отанымыз, жеріміз, халқымыз үшін үлкен құрмет пен мақтаныш сезімін туғызып отыр. Қазақ даласы үлкен мәдениетті ұлы өркениет ордасы. Қазақ елі Орталық Азияның ғана емес, бүкіл Түркі әлемінің бесігіне айналары сөзсіз екенін Елбасы атап көрсетті. Егемендікке қол жеткізгеннен кейінгі уақытта ұлттық тарихымызды зерделеп, ұлттық санамыздың өсуіне мақаланың ықпалы зор. Мақала Елбасының «Рухани жаңғыру – болашаққа бағдар» мақаласының жалғасы екенін түсіндіре отырып, жас ұрпаққа тағылымы мен берері мол құжат екенін атап көрсетті. Киелі қазақ жеріндегі әдебиет, мәдениеттің дамуы, салт – дәстүр, әдет ғұрыптарымызды дәріптеуіміз керек.

Елбасы мақаласының ашық аспан астында мұражай құруы өте жақсы ой екенін айтып кетті. Осыған байланысты колледждегі «Туризм» мамандығының білімгерлері «Қорқыт Ата мемориалды музейіне» саяхаттап, Сыр елінің туристік бағыты жоғары дәрежеде дамығандығандығына көз жеткізді. Өздерінің мамандықтарына қызығушылықтары артып, жақсы жұмыс жасай алатынын білдірді.

Қорыта келе, сан ғасырлық тарихы бар Қорқыт Ата мемориалдық кешені соның жарқын көрінісі. Әлемнің түкпір – түкпірінен келіп жатқан туристтер еліміздің тарихымен танысып кетеді. Студенттер мақаланың маңыздылығын түсіне отырып, өздерінің ой – пікірлерін ортаға салды. Қызығушылық танытып, сұрақтарын қойып отырды. Елбасы мақаласы әлемдік өркениеттен орын алуды – ұлттық бейнемізді, тарихымыз бен мәдениетімізді сақтауда үлкен игі бастамалардың бірі екені даусыз. Оны құрметтеу, біліп жүру барлық халықтың міндеті.

«Академик С.А.Джиенкулов

атындағы Байқоңыр колледжі»

білім мекемесінің

жалпы пәндер оқытушысы

Оспанов Еркебулан Акарысович