Ерболат Әбікенұлы "Пәтер іздеп жүр едік" әңгімесіне сюжеттік талдау

"Ахмет Байтұрсынұлы -ұлттың ұлы ұстазы"

Тіл мерекесінің 5 қыркүйек болып белгіленуінің де өзіндік себебі бар. Бұл күн - «Ұлттың сақталуына да, жоғалуына да себеп болатын нәрсенің қуаттысы - тіл» деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні.

«Ұлт ұстазы Ахмет Байтұрсынұлы «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек» дейді. Бұл көзқарас бүгінгі күні өте маңызды. Біріншіден, жиырма бірінші ғасырдың ұрпағы терең білімді болғаны жөн. Екіншіден, жас буынды ерінбей еңбек етуге бейімдеу қажет. Үшіншіден, кез-келген істі кәсіби дағды арқылы жүзеге асырған дұрыс. Төртіншіден, темірдей тәртіп және жоғары жауапкершілік баршамыздың бойымызда болуы керек. Бесіншіден, әділдіктен айнымаған жөн. Әділдік – қоғам дамуының маңызды шарты. Әділеттілік – әсіресе, ел-жұрттың тағдырын шешу үшін аса қажет қасиет. Алтыншыдан, бізге керегі – адалдық, ұқыптылық, тиянақтылық. Бәріміз нағыз қазақты дәл осындай кейіпте көргіміз келеді. Біз сонда ғана бәсекеге қабілетті мемлекет, зияткер ұлт қалыптастыра аламыз. Қазақ зиялыларының жаңа кезеңдегі міндеті – ұлт болмысының жаңа қағидаттарын орнықтыру. Сондай-ақ, ұлт сапасын арттыруға атсалысу. Жаңғырған қоғам жат әдеттерден біртіндеп арылуы керек» делінген Мемлекет басшысының Жолдауында.

Осыдан үш жыл бұрын «Қазақстан Республикасында мереке күндер тізбесін бекіту туралы» үкіметтің қаулысына сәйкес, Қазақстан халқы тілдері күні 5 қыркүйекте тойланады. Бұған дейін Тілдер мерекесі 22 қыркүйекте атап өтілетін. 5 қыркүйекке ауыстыру себебі – бұл күні ұлт ұстазы Ахмет Байтұрсынұлының туған күні.

№1 жалпы бiлiм беру орта мектебiнде 2024 жылдың 5 қыркүйегінде Тілдер айлығы аясында қазақ ағартушысы және ғалымы Ахмет Байтұрсыновтың туған күніне орай «Ахмет Байтұрсынұлы-ұлттың ұлы ұстазы» атты әдеби – поэтикалық кеш өтті. Іс – шараға 9-11 сынып оқушылары белсенді қатысып, викториналық сұрақтарға жауап берді және тамаша өнер көрсетті.

Ахмет Байтұрсыновтың өмірі мен шығармашылық жолы туралы ағылшын тілінде 9 «Б» сынып оқушысы Малаева Аина, 11 «Б» сынып оқушысы Жанабай Мирас өмірі жайлы қазақ тілінде сондай-ақ қазақ тілі мен әдебиеті пәнінің мұғалімі Бекжанова Назерке Абдуллаевна шығармашылығы жайлы айтып берді.

10-сынып оқушысы Ансар Тлеубергенов Қазақстан Республикасында тілдер күнін тойлау Ахмет Байтұрсыновтың есімімен байланысты екенін атап өтті.

Әдеби-поэзиялық кеште Ахмет Байтұрсыновтың өлеңдерін 10 сынып оқушысы Александра Турченюк, 11 «Б» сынып оқушылары Ткач Эдуард пен Карина Каппасова мәнерлеп оқыды.

Музыка пәнінің мұғалімі Керімбеков Нұрдәулет пен қазақ тілі мен әдебиеті пәнінің мұғалімі Ибрагимова Нуржамал Азимхановнаның орындауында «Жақсы адамдарым», «Жаса, Қазағым»әндері шырқалды.

Қазақ халқы барда – Ахмет тірі, мәңгі тірі! Ұрпағы жадында ұстап ұстаздың ұсынған жолымен жүріп, шыңға шыға берсін!

Ибрагимова Н.А.