Жаңашыл ұстаз – ел болашағы

Жаңашыл ұстаз – ел болашағы

Әлем кеңістігінде болып жатқан қарқынды өзгерістер білім беру жүйесінде ғана емес барлық салаға өзгеріс әкелді. Заманауи ұстаздарға да, оқушыларға да, ата-аналарға да – жалпы білім саласына қазіргі таңда көп өзгеріс, жаңашылдық енуде. Сол жаңалықты дұрыс қабылдап, шәкірт болмысына дұрыс сіңіре білу – ұстаздың басты міндеті. Еліміздің білім беру жүйесін жетілдірудің басты мақсаты – еліміздің білім сапасын және бәсекеге қабілеттілігін арттыру болып отыр. Ол үшін мемлекетіміздегі әрбір педагог кадрдың оқыту үдерісіне өзгерістер енгізу қажет екендігін айқындап тұр. Мектептің жұмысы мен оқушылардың жетістіктерін өрістеуші негізгі тұлға – мұғалім болғандықтан, мұғалімнің біліктілігін арттыру басты назарда болуыға тиіс.

ХХІ ғасыр – жаңа идеялар мен жаңа технологиялардың қарқынды дамыған заманда бәсекеге қабілетті тұлға дайындау қажет екендігі айқын. Ал ондай тұлғаны тәрбиелеуде әлемнің озат тәжірибелерін оқытудың жаңаша әдіс – тәсілдерін, сын тұрғысынан ойлау, оқу үшін бағалау, диалогтік оқыту, көшбасшылық жұмыстарды жандандыру өзекті мәселе екндігі сөзсіз.

Қазақстандық білім беру жүйесін жақсарту үшін ең алдымен педагог кадрлардың мәртебесін арттыру, біліктілігн дамыту бағытына үлкен мән берілуде. Осы тұста менің ойыма Серен Обо Кьеркегордың «Алға талпыну – тыныштықты жоғалту, бір орнында қалып қою – өзіңді жоғалту» деп айтқан сөзі оралды. Даналық сөзді ой елегінен өткізе отырып, бір орында тоқырап қалмаудың жолын іздеу қазіргі уақытта басты назарда болуға тиіс.

Түкістан облысы Кентау қаласы Ә.Бөкейханов атындағы №23 жалпы орта мектеп диекторының тәрбие ісі жөніндегі орынбасары Шеризатов Нұрбол Ақболатұлы.