Жаратылыстану бағытындағы пәндерді ағылшын тілінде оқытудың маңыздылығы

Жаратылыстану бағытындағы пәндерді ағылшын тілінде оқытудың маңыздылығы

Неге ағылшын тілін үйрену керек? Өйткені бұл бүкіл прогрессивті әлемді байланыстырады. Бұл ғылым мен технологияның тілі. Ағылшын тілін меңгеру адам үшін үлкен перспективалар ашады. Мемлекет басшысы Н.Ә.Назарбаев жастарға өзгерістерден қорықпай, ағылшын тілін жан-жақты зерделеу, үйрену керектігін айтқан болатын.

Елімізде біліктілігі жо­­­ғары дə­­режеде дамыған, бі­л­імі жағынан бəсекеге түсе ала­тын, болашақ­та өзін халық­ара­лық ең­бек нарығында еркін се­зі­нетін мамандар дайындау­ мəселесі отандық жоғары оқу орындарының ең маңызды міндеттерінің бірі. Бұл жолға жету үшін балаға ерте жастан шет тілдерін жүйелі түрде үй­ре­ту керек. Осы орайда еліміздің бастауыш және орта білім беру мекемелерінде шет тілін үйретудің кешенді бағдарламалары жүргізілуде.

Осы бағытты шыңдау мақсатында 2019-2020, 2020-2021 оқу жыл аралығында Сарқан ауданында «Ағылшын тілін жаратылыстану бағытындағы пәндерде кіріктіріп оқытудың ерекшеліктері» атты аудандық семинар-парктикум жүргізіліп, қазіргі таңда онлайн ашық сабақтар беріліп, қойылған мақсатқа қол жеткізілуде. Соңғы оқу жылдарында жүргізілген жұмыстардың жемісі ол – оқушылардың және ізденісте жүрген ұстаздардың түрлі деңгейде алып жатқан жеңістері деп білемін. Үнемі ізденісте жүретін оқушылардың сабақтан тыс қатысып жүрген конкурстардан алған жүлделі орындары, сол оқушыларды бағыттап отыратын ұстаздардың облыстық номинацияларға ие болуы, бұхаралық ақпарат көздеріне шығып жүрген мақалалары соған куә.

Тіл – қай ұлтқа да қай мемлекетте болмасын қастерлі де қымбат қазына. Бүгінгі заман баршаның бәсекеге қабілетті болуын талап етіп, ұстаздар қауымына жан-жақты тұлға тәрбиелеудің ауыр салмағын жүктеп отыр. Халықаралық қауымдастықтың құрамындағы өркениетті жұрттың алғашқы легіне орнығу үшін білімі мен білігі жағынан кәсіби сауатты мамандардың үздік шоғыры даралануы тиіс. Бұл бағыттағы қатаң қағида көп тілділік. Әсіресе ағылшын тіліндегі жүйріктердің шашасына шаң жұқпайды.

Ең алдымен мемлекеттік мәртебесі бар ана тіліміз – қазақ тілінде еркін сөйлеп, содан соң басқа ұлттың тілдерін үйрену арқылы біліктілігімізді жетілдірсек ғылымның кез-келген саласы бойынша биік белестерді бағындыра алатындығымыз айдан анық.

Тулегенова Гаухар Чаймуратовна

Абай атындағы мектеп гимназиясы

биология пәні мұғалімі

Сарқан ауданы Сарқан қаласы