Ташенев танымы

Қазақ халқының тарихында есімдері алтын әріптермен жазылып қалған тұлғалар аз емес. Әсіресе, алмағайып аласапыран кезеңдерде туған еліне бас болып, бағыт-бағдар көрсеткен жандардың орыны тым ерекше... Соның бірі елдің тұтастығының сақталуына, əлеуметтік-экономикалық жəне мəдени дамуына өлшеусіз үлес қосқан біртуар тұлға - Жұмабек Тəшенов.

Ұлтының басына қиын-қыстау күн туғанда өзгелерден өзінің қайтпас қайсарлығымен ерекшеленген тұлғаның атында бүгінде Қарағанды қаласында білім ордасы бар. «Жұмабек Тәшенев атындағы жалпы білім беретін мектебі» өткен оқу жылынан бастап Алаштың асыл тұлғаларымен қатар аталатын ұлдарының бірі – Жұмабек Ахметұлы Тәшеневтің еңбегін келер ұрпаққа насихаттап, есімін ұлықтау мақсатында көптеген ісшаралар ұйымдастырды.

Осы негізде аталмыш білім ордасында Қазақстанның ірі мемлекет қайраткері , ұлт жанашыры Жұмабек Ахметұлы Тәшеневтің туған күніне орай «Ұлттық рухтың символы – Жұмабек Тәшенев» тақырыбында аймақтық Құрылтай өтті. Шараға Қарағанды облысында білім беруді дамытудың оқу-әдістемелікорталығының басшысы Абдикерова Бакиткул Химальдиновна, Тарих ғылымдарының кандидаты, «Тұлғатану» ғылыми-зерттеу орталығының директоры Бейсенбекова Нұрсахан Ахметқызы, Облыстық маслихаттың депутаты, айтыскер ақын, филология ғылымдарының кандидаты Жұмағұлов Айтбай Ботпайұлы, Тәшеневтанушы, меценат Ибкеев Сапар Кашкенұлы, Қарағанды облыстық ғылыми-техникалық құжаттама мұрағатының басшысы, тарихшы-өлкетанушы Аршабеков Темірғали Тлеубекұлы, Қарағанды мемлекеттік техникалық университетінің тарих пәнінің аға оқытушысы Ошанов Нурлан Зетханович, Қарағанды қаласының білім бөлімінің әдістемелік кабинетінің меңгерушісі Байжигитова Төлеубике Рымхановна жəне тағы басқа танымал азаматтар қатысты.

Құрылтайға Ақмола облысы, Аршалы кентінің «Ж. Тәшенев атындағы ЖОББМ», Астана қаласы «Жұмабек Тәшенев атындағы №10 мектеп-гимназиясы», «Қызылтау негізгі орта мектебі», Бұқар жырау ауданы « Т. Бигелдинов атындағы ЖББМ» КММ, Шет ауданы «Абай атындағы ЖББМ», Ақтоғай ауданы «Сарышаған кентіндегі ЖОББМ» КММ, Теміртау қаласы «Ғабиден Мұстафин атындағы ЖББМ», Бұқар жырау ауданы «Байқадам ЖББМ»КММ, Бұқар-Жырау ауданы, «Юрий Гагарин атындағы ЖББМ»КММ, Шет ауданы, Жұмыскер ауылы, «Абай атындағы ЖББМ», «Қарағайлы кентінің №16 ЖББ мектебі» КММ, Қарқаралы ауданы Егіндібұлақ селосы "Қ. Смайылов атындағы №43 ЖББМ тірек мектебі (РО) жанындағы интернат"КММ, Шет ауданы Ақшатау кенті «Ш. Уалиханов атындағы ЖББМ» КММ, сонымен қатар қала мектептерінен 37 мектеп оқушысы қатысып, тұлға туралы дайындаған жобаларын ұсынды.

Құрылтайтың бірінші кезеңінде әр бағыт бойынша жоба жұмыстары қорғалып, Ақмола облысы, Аршалы кентінің «Ж. Тәшенев атындағы ЖОББМ» 10 сынып оқушысы Ганибаева Улболсын , Қарағанды қаласы «Ж.Тәшенев атындағы ЖББМ» 11 сынып оқушысы Ибрагимова Нұрдана, Қарағанды қаласы «№14 мектеп-гимназиясының» 11 сынып оқушысы Ермеков Санжардың жоба жұмыстары жоғары деңгейде бағаланып, жүлделі орындар иеленді.

Құрылтайдың екінші і кезеңінде мектеп оқушыларының қатысуымен «Жұмабек Тәшенев – тау тұлға» тақырыбында поэзиялық қойылым көрсетілді.

Тарихи-танымдық кеш соңында жоба жеңімпаздары марапатталды.

«Ж.Тәшенев атындағы ЖББМ» КММ

қазақ тілі мен әдебиеті пәні мұғалімі

Базарбаева Махабат Ашимхановна