Жаңа форматтағы жаңа идеялар

Жартынова Жанар Алибековна

«Инновациялық білім беру және ақпараттық технологиялар»

кафедрасының меңгерушісі

«EdCrunch Reload»-тің «Ақыл-ой мен технологиялардың тоғысуы (Merging Minds & Technology)» атты халықаралық конференцияда жаңа форматтағы жаңа идеяларды көтерді. Ақпараттың берілуі мен конференция жүргізушілерінің шеберлігіне тәнті болдым. Екі күнде мол ақпарат алдым.

Әр секция жұмысы, спикерлердің өзін ұстауы, олардың идеялары! Жаңа серпін, жаңа көзқарас!

«Нәтижелі оқыту: оқушылардың академиялық жетістіктері үшін қандай дағдылар қажет?» сессиясы EdCrunch Reload конференциясының бірінші күнінің маңызды сәттерінің бірі болды. Нақты, дәйекті, қарапайым тілмен түсіндіру, жеке тәжірибеден алынған мысалдар, нақты фактілер – бейресми формат пен тақырыпты әр түрлі қырынан қараумен ерекшеленді.

Мен үшін не құнды болды? Біріншіден, конференцияядан алған ақпараттарым; әріптестер пікірін тыңдау; өз ойларымды жинақтап, алдағы жұмыстарымды қалай жоспарлауға болатыны жайлды ойландым.

Конференция пайдалы болды ма? Маған қандай пайдасы бар? Әрине, Оқу тақырыптық жоспар мен оқу бағдарламалырын, мақалалалар жазып, семинарлар өткізуде алған білімімді жинақтай отырып, өткіземін.

Конференция барысында есімде қалған Educasтың негізін қалаушы әрі «Ғажайып студент», «Кәсіби мамандай оқы» кітаптарының авторы Улаф Шеве болды. Әр істі толық меңгерген, әр ісінің нәтижелі жұмысы бар кәсіби мамандардың өз тәжірибелерімен бөлісіп, идеяларын ортаға салуы, сауатты жеткізуі ұнады.

Екінші күн несімен ерекшеленді? Моти Кристалдың келіссөздер жүргізу шеберлігі, эмоцияны ұстап, түйткілдердерді бірлесе шешу дағдыларына назар аудардым. Онлайн қатысу барысында әр каналдарда жүріп жатқан сессия барысын барынша мұқият қарауға, барлық тақырыптарды соңына дейін қарамасам да, негізгі идеяларды түсінуге тырыстым.

Білім және жаңа технологиялар туралы жетекші халықаралық конференцияда мен үшін қызықты болған «Білім берудегі нейро әртүрлілік». Когнитивті технолгияларды қолдана отырып оқушылардың қабілеттерін ашу, көру. Әр сессиядағы талқыланған тақырыптар ерекше, маңызды болды.

Конференцияда тыңдаған дәрістер мен пікірлер құнды болды. Ой елегінен өткізіп алдағы уақытта тәжірибеге асырамын.