Латын әліпбиіне көшу -
заман талабы.
Елбасы Н.Ә.Назарбаевтың
"Болашаққа бағдар: рухани жаңғыру" деп аталатын мақаласында қазақ
тілін біртіндеп латын әліпбиіне көшіру жұмыстарын бастап, бұл
мәселені неғұрлым дәйектілікпен терең түсініп, байыппен қарау
қажеттігін тілге тиек етті. Латын әліпбиіне көшу - заман талабы.
Ұлы Дала елінің тарихына көз жүгіртсек, бірінші тұғыры байлық -
жер, екінші - тіл, үшіншісі - мемлекет және оның тарихы болуы
керектігі айқындалады. Ағартушы-педагог ғалым Ахмет Байтұрсынұлы
айтып кеткендей, "Ұлттың сақталуына да, жоғалуына да себеп болатын
нәрсенің ең қуаттысы - тілі" деген. Алаш қайраткерлері де латын
әліпбиін жазу-сызуда қолданды. Бұл бізге таңсық дүние емес. Латын
әліпбиі әлемде кеңінен қолданылады. Латын әліпбиіне көшу -
ұлтымыздың санасын бұғаудан босатады, түркі және жаһандық әлемімен
ықпалдасуға, қазақ халқы ертеден қолданған әліпбиімізге қайта
оралып, ұлттық санамызды қайта жаңғыруына жол ашады. Сонымен қатар,
бүгінгі компьютер заманында латын әліпбиінің үстемдігі бәрімізге
белгілі. Электрондық поштамыздың, көлігіміздің нөміріндегі әріптер,
төлқұжатымыз да латын жазуларымен жазылған. Демек, латын әліпбиі
бізге таңсық емес.
Ғалымдарымыз латын әліпбиі
арқылы тіл тазалығын сақтайтынымызды, артық таңбалар мен емле,
ережелердің азаятындығын және ең бастысы халықаралық дәрежеге шығу
мүмкіндігінің болуын атап көрсетті. Дана халқымыз айтпақшы "Өзге
тілдің бәрін біл, өз тіліңді құрметте!" деп, тіліміздің тазалығы
үшін, тілді үйренуді жеңілдету үшін осы бастаманы қолдап, енгізу -
Сіз бен біздің қолымызда.
#QostanaiLatyn
Уәли Әсел
Қайрханқызы
қазақ тілі мен әдебиеті
мұғалімі
«Қостанай облысы әкімдігі
білім басқармасының «Қостанай қаласы білім бөлімінің Чапаев негізгі
орта мектебі»
КММ
Қостанай
қаласы