Мақала:Математика сабағын жақсарту үшін қолданылатын цифрлық негізделген ойындар

Математика сабағын жақсарту үшін цифрлық негізделген ойындарды пайдалану

Макышева Аида Нұртасқызы

Ш.Уәлиханов атындағы Көкшетау Университеті

Математика және информатика факультеті

Көкшетау қаласы Ақмола облысы

Аңдатпа. Қазіргі таңда цифрлық негізделген ойындар мектеп

оқушыларының математикаға деген қызығушылығы мен білімін арттырудағы қуатты құралы ретінде пайда болуын көрсету. Цифрлық негізделген ойындар сабақтың қызықты,тиімді өтуіне және оқушылардың назарын өзіне арттырумен ерекшеліктерін түсіндіреді. Бұл мақала математикалық білім беруде цифрлық негізделген ойындарды пайдаланудың артықшылықтарын зерттейді және сабақ барысындағы кеңінен қолданатын ойын түрлерін көрсетеді.

Кілт сөздер: Цифрлық негізделген ойындар, Prodigy, Math Playground, DragonBox,жаңа білім парадигмасы

Аннотация. В настоящее время игры на основе цифровых показать появление учащихся как мощного средства повышения интереса и знаний к математике. Игры на цифровой основе объясняют особенности увлекательного,эффективного прохождения урока и привлечения внимания учащихся. В этой статье исследуются преимущества использования цифровых игр в математическом образовании и показаны типы игр, которые они широко используют во время занятий.

Ключевые слова: Цифровые игры, Prodigy, Math Playground, DragonBox, новая парадигма знаний

Кіріспе. Жаңа білім беру парадигмасы баланы оқу үдерісінің белсенді субъектісі ретінде қарастырады. Бұл көзқарас шығармашылық қызығушылықтарға негізделген білімнің маңыздылығын арттырып, танымдық және рухани қажеттіліктерді қанағаттандыруға, сонымен қатар жан-жақты дамыған, шығармашылық бағытта тұлғаны қалыптастыруға бағытталған. Білім беру процесін жаңаша ұйымдастыру үшін оның философиялық, педагогикалық және психологиялық негіздерін, теориялары мен практикаларын жан-жақты қайта қарастыру қажет. Қазіргі заманғы философтар мен педагог-ғалымдар білім беру саласында жаңа оқыту әдістері мен технологияларын енгізу үстінде. Олардың ішінде цифрлық негіздегі ойындарға айрықша назар аударылуда, бұл білім алу процесін тиімдірек ұйымдастыруда маңызды рөл атқарады.

Цифрлық ойындардың математикадағы білім беруіндегі артықшылықтары:

Қызығушылық: Оқушылардың білімін арттырудың тиімді жолдарының бірі - цифрлық ойындар. Оқушыларға монотонды жаттығулардан гөрі ойындар әлдеқайда қызықты болып көрінеді. Ойын барысында шәкірттер математикалық концепцияларды тереңірек түсінуге ынталанады.

Жеке қарқынмен оқу: Оқушылар өз әрекеттерін өздерінің темпінде ұйымдастыра алады. Математика әр оқушының қабылдау деңгейіне байланысты әр түрлі көрінеді. Сондықтан,оның бір шешімі деңгей бойынша жұмыс істеу.

Интерактивтілік: Цифрлық ойындар оқушыларға белсенді қатысуға мүмкіндік береді. Ойын барысында балалар логикалық тапсырмаларды орындап, есептерді шешу арқылы математикалық білімдерін тәжірибеде қолдана алады.

Ынтымақтастық: Кейбір сандық ойындар оқушылардың бірігіп жұмыс істеуіне жағдай жасайды. Бұл процесс қарым-қатынасты нығайтып, сыни ойлау қабілеттерін дамытады, сондай-ақ топтық жұмыс жасау сезімін арттырады.

Цифрлық ойындардың математикадағы білім беруіндегі кемшіліктері:

Цифрлық ойындарды пайдалану үшін жеке құрылғылар мен интерактивті технологиялар қажет. Алайда, барлық білім беру мекемелері мұндай жабдықтармен толық қамтамасыз етілмеген. Сонымен қатар, ойындарды тиімді енгізу үшін мұғалімдерге қажетті оқыту мен қолдау қажет. Оқу нәтижелерін оңтайландыру үшін цифрлық ойындар мен дәстүрлі әдістер арасында теңгерімді сақтау маңызды.

Ойындардың түрлері мен қолдану әдістері:

 Квест-ойындар: Оқушылар математикалық тапсырмаларды орындау арқылы квесттерді шешеді. Бұл ойындар топтық жұмыс пен логикалық ойлауды дамытуға ықпал етеді. Мысалы,joyteka.com сайты арқылы оңай,әрі тез квест ойындарын құрастырып шығуға болады.

 Симуляциялы ойындар: Оқушыларға математикалық концепцияларды нақты өмірдегі жағдайларда қолдануға мүмкіндік береді, мысалы, экономика мен геометрия саласында.

 Пазл-ойындар: Математикалық есептер мен логикалық мәселелерді шешуге бағытталған ойындар. Оқушылар аналитикалық дағдыларын жетілдіріп, математикалық концепцияларды тереңірек түсінеді.

 Мобильді қосымшалар: Математикалық тапсырмаларды шешуге арналған мобильді ойындар мен қосымшалар. Бұл платформалар оқушыларға кез келген уақытта математиканы жаттықтыруға мүмкіндік береді.

Кесте -1: Танымал цифрлық математикалық ойындар

Рисунок 1 Рисунок 2 Рисунок 3

Кемшіліктері: ойындар ағылшын тілінде. Тек DragonBox орыс тілінде қол жетімді.

Айырмашылықтарына тоқталатын болсақ.

- Prodigy – рөлдік ойын етіп математика үйретеді;

-Mathematic Playground–интерактивті ойындар жиынтығын, логикалық тапсырмаларды ұсынады;

-DragonBox – визуалды ойын арқылы алгебра мен математиканы үйретуге бағытталған.

Қорытынды. Цифрлық негізделген ойындар математика пәнін оқытуда тиімді құрал. Оқушылардың мотивациясы мен қызығушылығын арттыра түсіуімен білім сапасын арттырады. Prodigy,DragonBox және Math Playground сияқты цифрлық негізделген ойындар оқушылардың мектептегі математиканы оқуға деген қызығушылығын арттырудың тиімді құралы болып табылады. Осы ойындардың әрқайсысы оқуды қызықты, қолжетімді және тиімді етуге көмектесетін бірегей әдістер мен тәсілдер ұсынады. Мұндай цифрлық ресурстарды оқу үдерісіне енгізу оқу нәтижелерін және мектеп оқушыларының математиканы оқуға деген ынтасын айтарлықтай жақсартуға мүмкіндік береді. Одан да тиімді және ынталандыратын оқу ортасын құру үшін білім беруде цифрлық технологияларды дамытуды және жетілдіруді жалғастыру маңызды.

Қолданылған әдебиеттер:

1. Қазіргі заманғы педагогикалық техногиялар/Ф.Б.Берікбекова-Алматы,2014.

2.Утепбаева А.А,Елеусизкызы М-Қарапайым математикалық ұғымдарды қалыптастыру әдістемесі.,2018.