Мейірімді болса жүрек, орындалар тілек

Сабақтың тақырыбы: Мейірімді болса жүрек, орындалар тілек

Сабақтыңмақсаты: 1) оқушыларға мейірімділік ұғымытуралытүсінік беру; 2) оқушыларды ізгі істерге жетелейтін адамгершілік құндылықтар мен қасиеттерін дамытуға ықпал ету; 3) адамгершілік құндылығынбойына сіңіру.

Сабақ барысы: Ұйымдастыру кезеңі.

Сәлемдесу. Бәріміз орнымыздан тұрамыз . «Ні!» оң қолымызды көтеріп дауыстап сәлемдесеміз. Бас иіп, жанымыздағы адамның қолын қысамыз және жақсы лебіз білдіреміз.

Топқа бөлу. І топ – Мейірім ІІ топ – Ізгілік ІІІ топ - Жомарт

Қызығушылықты ояту. Мейірімді бола білейік! Қысқаметражды фильмге назар аударайық!

Миға шабуыл. Бұл фильмнен қандай ой түйдіңіз? Сіз де осындай жақсы істердің куәсі болған кезіңіз бар ма? Немесе қандай жақсылық жасадыңыз? Осы туралы ой бөлісіңіз.

Топтық жұмыс. І топ – «Мейірімділік» тақырыбында ертегі құрастыру . ІІ топ –«Сүйіспеншілік жүректе» тақырыбында постер қорғау. ІІІ топ – «Мейірім – жан шуағы» тақырыбында өлең шығару.

Кім жүйрік? Ойын шарты: бір сөзден бірнеше сөз құрастыру. «Қайырымдылық» сөзі.

Ән: «Әке - ана» орындайтын: Сайын Нұрхан

Жанымда бар жылылық. Қайырымдылық акциясынан суреттер.

Еркін микрофон. Оқушылар арасынан сабақ туралы ой – пікір білдіру.

Қорытынды: «Кім де кім өзін сүйсе, туысқандарын сүйсе, өз елін сүйсе, әсіресе, адам баласын бауырым деп білсе, сол адамды ізгі атаймыз» деген М. Жұмабаев. Адамның мейірімді, ықыласты болуы, елін, жерін сүюі, танып – білуге құштарлығы, еңбексүйгіштігі ізгі істер мен жақсы әрекеттерге жетелейді. Олай болса ақ жолдан айнымай, ізгі істердің иесі болып, адамзатқа мейірім шуағын шашып жүрейік!

Анықтама

«Мейірімді болса жүрек, орындалар тілек» атты тәрбие сағаты өтті. Сабақта әр оқушыға жақсы көңіл – күй қалыптастыру мақсатында көңілді тренинг жасалды. Мейірімділік туралы видеоролик көрсетіліп, оқушылар оның мәнін ашты. Түрлі топтық жұмыстар жүргізілді. Барлық оқушылар сабаққа белсенді қатысты.