«Мен таңдаған мамандық-болашағымның кепілі»

«Мен таңдаған мамандық-болашағымның кепілі»

Мамандық таңдау-өміріміздің қиындықтарынан тұратын бір этап деп білемін,әрине ең қиын мамандық-адам болып қалу. «Мамандық» сөзінің өзі латын тілінен аударғанда: «жұрт алдында сөйлеу,жариялау»дегенді білдіреді екен.Болашағымызбен байланысты бұл сөзді бұлай аударылатынын қазіргі жастардың көбісі біле бермейді,тіпті менде енді ұға бастағандаймын.

Бұрындары,әр адам қолынан қандай жұмыс келеді,сол жұмысты істеп өмір сүрген.

Ал қазірше?

Заман өзгерген сайын,адам да жетіліп, дүниеге түрлі-түрлі жұмыс, сәйкесінше,түрлі мамандық келе бастады,әлі де олардың тоқтауы көрінер емес.Дегенмен саны бар,сапасы болмаса оның елімізге,өзімізге қандай пайдасы бар?!

Мамандық таңдау-тағдырыңды таңдау деген сөз, кейін өмірде өкінбейтіндей,өз қабілетімен бейімділігіне сай кәсіп түрін таңдау…

Бұл-өте жауапкершілікті және маңызды іс.Мамандықты таңдау үшін, адам ең алдымен өзін,өз бейімділігін тануы қажет.Өз-өзіне «Мен кіммін?», «Осы өмірдегі менің орным қандай?»деген сұрақ қою арқылы таңдау керек деп есептеймін.Ең алдымен, осы сұрақтарды өз-өзіме қойған кезде, бір сәт болсын үлкен жауапкершілікті сезініп, нақты әрі салмақты түрде ойлана бастадым.

«Менің таңдаған мамандығым-мамандықтың төресі»яғни журналистика саласы.Журналистика-қиындығы мен қызығы қатар жүретін және де ешқашан да жоғалмайтын мамандық болып табылады,және де әрдайым ізденіс үстінде жүретін жандармен бірге жүріп ізденген маған қатты ұнайды.Адамдарга әрдайым жаңалықтар қажет еді,және де солай болып қала береді.Ең бастысы – сенім. Алға қойған мақсаттарым үшін еңбек етсем, сол мақсаттарым болашақта елім үшін, мен үшін еңбек ететін болады. Мен оған сенімдімін. Маған және Отаныма еңбек ететін мақсатты дұрыс таңдағаныма сенімдімін!