Тақырыбы:

«Менің арманымдағы Қазақстан»

Орындаған:

Алипбаева Салтанат Рашидқызы

Болашақ бүгіннен басталады деп тектен текке айтылмағанды сірә.Әлбетте кемел еліміздің келешегі жастарымыздың қолында.Ертеңгі күннің бүгінгі күннен нұрлы болуына ықпал ететін,адамзат қоғамын алға жетелейтін күш білімге ғана тән екені сөзсіз. «Білімді мыңды,білекті бірді жығады» дегендей білімді де саналы,салауатты ұрпақ бар жерде еліміздің ертеңі мәңгілікке жарқырап тұратыны сөзсіз екені рас.Қазақ елінің берік те бекем болуы ынтымақ пен бірлікте әрі болашағымыздың тірегі-жастардың қолында.Сол жолға тек біліммен,ғана жол табамыз.

Менің арманымдағы Қазақстан өз Отанымды көптеген өзге салалардан көргім келеді,әлемдік деңгейде алғашқы қатарлардың бірі болғанын қалаймын және осы мақсатыма жету үшін өз үлесімді қосуға әрдайым дайынмын. Қазіргі таңда Павлодар Педагогикалық Университетінің 3 курс студентімін,мамандығым информатика пәнінің мұғалімі.Дәл қазіргі заманда бұл мамандық-өзекті мамандықтардың бірі деп білемін.Жастар – болашаққа апаратын алтын көпір. Әрбір жас жеке қабілетіне және кәсіби біліміне сай қоғамымызда өз орнын табуы маңызды.Сондай-ақ, жастарға қазіргі таңда көптеген мүмкіндіктер жасалуда. Тек ерінбей бар мүмкіндікті пайдаланып, іске асыруымыз керек.Арманымыздағы Қазақстанға жетуіміз үшін білім мен ғылымның дамуын қадағалау керек деп ойлаймын және қазақ тілін әлемдік деңгейге шықса тіпті нұр үстіне нұр болар еді.«Білімдіге дүние жарық, білімсіздің күні ғаріп» дегенді дана халқымыз бекер айтпаған. Қашанда білімі бар жанды жарқын болашақ күтеді. Ал жарқын болашақтың иесі – бүгінгі жастар. Ел ертеңі де сол жастардың қолында. Сондықтан Қазақстан жастарының бәсекеге қабілетті, білімі мен біліктілігі жоғары болып қалыптасуы үшін барлық жағдай қарастырылған. Тіпті, жоғары білім алуға ниетті жастардың дамыған шет мемлекеттердегі алдыңғы қатарлы университеттерде оқуына да мүмкіндік жасалған. Мына жас мемлекетіміздің болашағы біздің қолымызда. Аға буын жоқтан бар жасап осы күнге жеткізді. Ендігі міндет білім нәрімен сусындаған мына біздін қолымызда. Мен өз ата-бабамның дәстүрін сақтай отырып қазіргі заманғы нарықтық экономика жағдайында жұмыс істеуге дайын боламын. Өз елімнің патриоты және Қазақстанның одан сайын гүлденуіне өз үлесімді қосамын. Бұл әлемде ең бастысы біздің қай жерде тұрғанымыз емес, қандай бағытта жылжып келе жатқанымыз. Болашағылыздың кемелді болуы біздің қолымызда, ал мен болашақта елімді көркейтуге нық сенімдімін.

Өзіміздің мемлекеттік тілімізге келер болсақ-«Ұлттың сақталуына да, жоғауына да себеп болатын нәрсенің ең қуаттысы ол тіл. Мемлекеттік тілді оқыта отырып, жастардың бойына елдік сана сіңіріліп, мемлекеттік рәміз, ұлттық діл, ұлттық болмыс туралы ақпараттар толық берілетіні анық. Қазақстанның азаматымын деп санайтын әрбір адам мемлекеттік тілді білуі шарт деп ойлаймын. Біздің қазақ халқының тілі өте бай, айтылуға орамды, көркем тіл. Тіл ақылдың - өлшемі. Тіл - адамның барлық саналы өмірінің құралы: өнер-білімді, мәдениеттілікті, қоғамның белсенді азаматы болуды ол тіл арқылы үйренеді. Біздің қазақ тілі сөйлейтін адамдарының саны жағынан әлемдік тілдер арасында 70-ші, ал тіл байлығынан үшінші орында.Тіл оның ішінде біздің ана тілі еліміздегі халықтардың барлық іс-әрекетінің, қарым-қатынасының құралы болуы тиіс, оның мәдениетін жоғары сатыға көтеру әрбіріміздің борышымыз. Тіл байлығын игеру – ана тілін қадірлейтін, тіл мәдениетінің шыңына қол созатын адамның әрекеті. Ана тілін жақсы білу — әркімнің азаматтық борышы, қоғамда атқаратын қызметінің тірегі. «Қанша тілді білсең, сонша мәдениеттісің, сонша байсың» деген даналық сөз бар. Әрине, құптарға боларлық ой, бірақ, өзге тілді білемін деп жүргенде өз тілімізден алыстап кетпеуіміз керек. Тәуелсіздіктің негізгі тірегі – ұлттың тілі.

Қорыта келгенде,әрбір қазақстандық мемлекеттік тілді құрмет тұтып білуі тиіс. Тіл мәртебесі – ел мерейі. тіл жоғалса-ұлт жоғалады деп білемін. Тілсіз халықтың, елдің өмір сүруі мүмкін емес. Әлем таныған ел болу үшін ана тіліміздің жұлдызын биіктетуіміз керек. Бұл біздің басты парызымыз. Әр мемлекет тек ана тілі мен білімімен ғана ерекшеленеді және дамиды деп білемін.Арманымыздағы Қазақстанды құру жолында ана тіліміз бен білімімізді жоғалтпасақ,армандаған мемлекетіміз болады деген сенімдемін.