Мақсаты: Балабақша қызметкерлер арасында жарыс өткізе отырып, оларды ұжымшылдыққа тәрбиелеу; Көңіл-күйлерін көтеріп, денелерін шынықтыру; Салауатты өмір салтын қалыптастыру.

Жүргізуші: Құрметті сайысқа қатысушы ұжымдастар, көрермендер! «Спорт –өмір көркі» апталығының қызметкер арасындағы «Спорт – біздің досымыз» атты спорттық шараға қош келдіңіздер! Сайысқа қатысушы ұжымдастарға көтеріңкі көңіл-күй, батылдық, жеңіс тілей отырып, сайсымызды бастаймыз!

Спорт – көркі өмірдің,

Спорт – досың серігің

Жаттықсаң шымыр боларсың

Шынығып өсіп толарсың – деп бәріміз бірге денемізді шынықтырып, серігіп алайық!

-Ал енді бізге баға беретін әділ-қазы алқаларымен таныс болайық.

1.Базарбаева С

2.Севепова А

3.Дәулетова М

Бүгінгі сайысымыз 7 турдан тұрады.

1.Таныстыру

2.Шашақшаны жеткіз

3.Көлтаусар

4.Мерген тасбақа

5.Мұртты пингвин

6.Әдемі моншақтар

7.Автобус

Өнер қуып, достарым менің өтер деменіз,

Бір басына өз өнері жетер дейміз,

Сайысқа келген топтар кезектесіп,

Таныстырып өздерін кетер дейміз – деп кезекті таныстыруға береміз.

1.Таныстыру ( аты, ұрады)

(Әр қатысушы жеребе алуымен топ құрып, өз аттарын, ұрандарын ойластырады)

Әділ-қазылардан бағасын сұрау.

2. «Шашақшаны жеткіз»

Ойын бастаушы межеден сөреге дейін шашақшаны ұстап, кедергілер арасымен бар жылдамдықпен жүгіріп, қайтарда түзу жүгіреді.

3. «Көлтаусар»

Қос аяғыпен секіргіш жіппен секіріп, межеге жетеді де, бір суды тауысып, қайтарда бір аяқпен секіргіш жіппен секіріп қайту.

4. «Мерген тасбақа»

Допты ішіне қойы, шалқалап межеге жетіп, межеде допты себетке лақтырып, допты қайта алып қайтару.

5. «Мұртты пингвин»

Екі тізенің ортасына допты қысып жүгіру, ал ауызда қаламсаппен «Мұрт» жасап, (қаламсапты мұрын мен еріннің арасына қысып жүру) межеге жетіп 4 жол тақпақ жазу. 1 тақпақтың атып жазады, қалған 4-еуі 4 жолын жазады, соңғысы қатесін тексеріп қазыларға апарады.

6. «Әдемі моншақтар»

Межеде екі ойыншы белгілі арақашықтықта шығыршықта отырады, екі ойыншы ермексаздан жасалған моншақтарды тізушілерге жеткізіп тұрады. Ал сөреде екеуі моншақ жасап үлгеруі керек. (уақыт 2 мин).

7. «Автобус»

Бірінші ойыншы межені бір аяқпен айналып келеді. Айналып келіп екінші ойыншыны алып кетеді ол белінен ұстап жүгіреді. Үшінші,.... осылай барлығы ойыншы автобус болып қол ұстасып, межені айналып келеді.

• Осылай сайысымыз өз мәресіне жетті, әділқазылар бағаларды есептегенше «Ортаға түспек» ойынын ойнап жіберейік.

• Енді әділқазыларға сөз берейік.

Осымен тәмамдалды сайысымыз

Бәріңіз тамаша бір сайыстыңыз

Бәріңіздің де дендеріңіз сау болып,

Аңсаған арман мұраттарға жетіңіздер – деп бүгінгі сайысымыз аяқтаймыз!