Паң Нұрмағамбет бабамыздың шыққан тегі – қалың керей ру, оның Күрсары тармағы. Керейлердің таңбасы «Х» крест, ұраны – «Ожыбай». Керей – ірі тайпалардың бірі. Оның түбі тоғыз оғыздан тарайды. Нұрмағамбет (Нұрмұхаммед) Сағынайұлы — Паң Нұрмағамбет 1848 жылы бұрынғы Ақмола округінің Қызылтопырақ болысы, Ақсу кенішінің жерінде (қазіргі Степногорск қаласы) туып, 1925 жылғы 26 желтоқсанда сол елді мекеңдегі Карабұлақ өңіріңде қайтыс болған. Ол—қазақ халқының болыс болып (10307 адамы бар 45 ауылды біріктірген Керей тайпасының 7 болысының бірінде), Ақмола уезі бастығының орынбасары қызметін атқарып, ел билеген қоғам қайраткері, асыл тұқымды жылқы шаруашылығымен айналысқан ірі бай, үлкен саятшы, ұлттық этнографияны жаңғыртушы.