«Қайырымдылық - адамгершілік белгісі»

Қайырымдылық — халқымыздың ең ізгі қасиеттерінің бірі. «Жанашырлыққа — жаны риза» дегендей, жетім, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске атсалысу - әрбір адамның азаматтық парызы.

Адам өміріндегі ең игі істерінің бірі – мұқтаж жандарға қамқорлық жасау. Адамдар бір — біріне қайырымдылық, мейірімділік таныту арқылы жақсылық жасайды.

Қамқорлықты қажет ететін жандарға қол ұшын беру арқылы адам баласы жақсылыққа қадам бастайды. Жоғары инженерлік-технологиялық колледжінің ұйымдастыруымен өткізіліп жатырған «Рамазан-рақым айы» атты қайырымдылық айлығының аясында 22 сәуір күні колледжіміздің «Есептеу техникасы және Бағдарламалық қамтамасыз ету» мамандығының 2 курс студенттері «Қайырымдылық - адамгершілік белгісі» атты ұранмен көп балалы, жалғыз басты және ерекше қажеттілігі бар баланың анасы Ботакөз апамызға азық-түлік, жазғы киім-кишек апарып беріп, ауласын тазалап көмек көрсетті.

ЖИТК арнайы пәндер оқытушысы

Байарстанова Аида.