Пәні: Сауат ашу

Күні: 24.11. 2017ж

Мерзімі: ІІ тоқсан

3 бөлім «Менің отбасым»

Ортақ тақырып:«Менің отбасым»

Сынып: 1

Мұғалімнің аты-жөні: Абажанова Умиргул Куттыбаевна

Сабақтың тақырыбы: Ұұ дыбысы мен әрпі.

Оқу мақсаты

1.2.9.1.Әріпті тану,ажырату және оны дыбыспен сәйкестендіру

1.1.4.1. Мәтін мазмұнын тақырыбы немесе оның иллюстрациясы бойынша болжау

1.2.1.2 Оқудың түрлерін(буындап оқу,жиі кездесетін сөздерді оқу,түсініп оқу)қолдану

1.3.8.1 Жазу жолын, жоларалық кеңістікті, жолдың жоғарғы және төменгі сызығын сақтап, әріп элементтерін каллиграфиялық талаптарға сай жазу

Сабақтың мақсаттары

Барлық оқушылар :

Ұ ұ дыбысы мен әрпін біледі..

Оқушылардың көпшілігі :

Сөздерді буындап оқи алады.

Кейбір оқушылар:

Сөздерді тұтастай оқи алады.

Бағалау критерийлері

 Сөз, сөйлемді ажыратады.

 Сөйлеу барысында тілдік бірліктерді орынды қолданады.

 Тыңдалған мәтіннің мазмұнын айтады.

Құндылықтарды дарыту

Отбасындағы отбасы мүшелерін әңгімелей отырып, оқушылардың бойында жақсы мамандық иесі болуға деген құштарлығын оятып,өмір бойы білім алу құндылықтарын дарыту.

Пәнаралық байланыс

Тарих,дүниетану пәндерімен байланыс орнайды.

АКТ дағдыларын қалыптастыру

Интерактивті тақтадан слайдтар

Алдыңғы меңгерілген білім

Ққ дыбысы бар сөздерді оқиды және жазады

Жоспар

Сабақтың жоспарлан-

ған кезеңдері

Сабақта жоспарланған іс-әрекет

Ресурстар

Басы

4 мин

Ынтымақтастық ахуалын құру

Амандасу.Оқушыларды түгендеу.

Ширату жаттығулары

Интерактивті тақтадан «Әуежай»мультфильмінің әнін тыңдату.

-Бұл ненің әні?

-Ұшақтың әні.

-Ұшақ сөзінен бірінші қай дыбыс естіледі?

-Ұ дыбысы.

-Олай болса,бүгін біз қай дыбыс пен әріпті танитын боламыз?

-Ұ дыбысы мен әрпі.

«Әуежай»

мультфильмінің әні

Ортасы

30 мин

«Электронды оқулықпен жұмыс»

-Ұұ дыбысымен танысу үшін электронды оқулыққа назар аударайық!

1)Ұұ дыбысымен танысу

2)Ұұ дыбысы сөздің басында,ортасында кездесетін сөздерді табу.

«Оқулықпен жұмыс»

Ұұ дыбысы кездесетін сөздерді оқыту.

А)Тақтада хормен дауыстап оқыту ә)Сөздердің мағынасын таныту б)іштен оқыту в)тізбектеп оқыту

Ұр ұн ұт ұш ұс та

Ұр шық ұн тақ ұт қыр ұ шақ ұ сақ

«Сөзден сөйлемге»әдісінің мақсаты оқушылардың сөйлеу дағдысын дамытады.Шарты:

Мұғалім:

- Ұршық

Оқушы:

-Әжемнің ұршығы бар.-деп аяқтайды.

«Т кестесі» әдісінің мақсаты сөздерді салыстыру,топтау.

Шарты:қай бағандағы сөздер бір буынды, қай бағандағы сөздер екі буынды,қай бағандағы сөздердің бірінші буыны бір ғана әріптен тұрады.

ұн ұш қыш ұ лу

ұт ұр шық ұ шақ

ұш ұн тақ ұ сақ

ұл ұт қыр ұ лан

Дәптермен жұмыс

Электронды оқулық Ұұ әрпімен таныстырады.Дәптерлеріне Ұұ әрпінің жазба түрін жазады:1)Ауада жазады.2)Дәптерге жазады.

-Балалар,бізге біреу қонаққа келе жатқан сияқты!Кім болды екен?

-Ааа,Микки Маус екен ғо!Ол мултьфильм елінен келіпті.Тышқандар биіне қосылып билеңдер, сабаққа жақсы қатыссаңдар сыйлығым бар дейді!

«Сергіту сәті»Тышқандар биі

Микки маустың сыйлығын беру(Смайликтер)

«Фотокөз» әдісінің мақсаты баланың көзбен көріп,есте сақтау қабілетін дамытады.Шарты:әр бағандағы сөздерді көзімен фотоға түсіріп, ретімен айтып шығу керек.

ұн ұ лу ұш қыш

ұт ұ шақ ұр шық

ұш ұ сақ ұн тақ

ұл ұ лан ұт қыр

«Сиқырлы жіп» әдісінің мақсаты есте сақтау қабілетін дамытады.

Шарты:Тізбектен не түсіп қалған? Тиісті әріпті тауып жазу.

...шақ, ...шқыш, ....сақ ,...лу, ...р шық.

«Құпия зат»әдісінің мақсаты оқушылардың зейінін тұрақтандыруға көмектеседі.

Ішінде теңге монеталары бар қалтаны алып,монеталар дыбыс шығаратындай етіп қозғаймын.

-Қалтаның ішінде не бар?

-Теңге.Ақша.

-Ақша не үшін керек?

-Ақшаға керекті заттарды сатып аласың.

-15-қараша теңге күні.Теңге –Қазақстанның ұлттық валютасы.

-Бұл ақша бізге қайдан келеді,кім береді?

-Ата-анамыз еңбек етіп,жұмыс жасап,еңбекпен тапқан осы

ақшаны отбасымызға әкеледі.Бұдан отбасы бюджеті пайда болады.

-Үйдегі үлкендердің бәрі жұмыс жасап, табыс табады.Ал сен ше?Сен әлі оқушысың.Сенің табысың-оқу.Оқу да -еңбек.

-Ата,әже,әке,ана,апа,аға,-бір сөзбен оларды кім дейміз?

-Отбасы.

«Сюжетті сурет сөйлейді»

Электронды оқулықтан «Менің отбасым» сюжетті мәтінді тыңдату.

«Сәйкестендіру» (топпен жұмыс)

-Суреттер мен қима қағазға жазылған сөздерді сәйкестендір.

-Атам –ұста.Әкем-ұшқыш.Анам-ұстаз.Әжем ұршық иіреді.

-Осы мамандықтардың ішінде сендерге ең қызықты мамандық қайсысы?

-Ұшқыш.

-Ұшқыш туралы сұхбатты көрейік.

(Ұшқыш мамандығымен түсірілген сұхбатты тамашалау.)

«Ыстық орындық»әдісінің мақсаты ойын жинақтап айтуға үйретеді.Сөздік қоры молаяды.Шарты:сұрақтарға нақты,тез жауап беру керек.Себебі орындық өте ыстық.

«Ұшқыш» мамандығына қатысты сұрақтар қою.

-Алмаз кімге ұқсап ұшқыш болғысы келді?

-Алмаз кандай ұшақтың командирі?

-Ұшақты жүргізетін кілт бола ма?

-Ұшқыштар ұшар алдында қанша минут дайындық жасайды?

-Ұшқыш болатын оқушы қандай болу керек?

-Ұшқыш болу үшін қандай пәндерді жақсы оқу керек?

Электронды оқулық

Ұ әрпі бар сөздер жазылған қима қағаздар

Электронды оқулық

Смайликтер

Ішінде монеталары бар әдемі қалта

Ата,әже,әке,

ана,ұшақ,

домбыра,ұр-шық сурет

тері

«Ұшқышпен сұхбат»

видеосы

Әдемі матамен қапталған ерекше орындық

Соңы

6 мин

«Бинго»ойынының мақсаты оқушыны шапшаң, тез оқуға үйретеді.Шарты:бірінші болған бала «Бинго»деп дауыстайды.Оқушының белгілегені дұрыс болса, ұтады.

Кестедегі сөздерден ұ әрпі бар сөздерді қоршап сыз:

«Желпуіш»әдісінің мақсаты қатесіз жазуға дағдыланады,жазуға қызығушылығы артады.Шарты:

Желпуіштің әр бөлігіне бүгінгі танысқан Ұұ әрпі бар сөздерді жаз.

«Телефонмен сөйлесу»әдісінің мақсаты оқушы сабақта түсінбеген сұрақтарына жауап алады немесе қуанышымен бөліседі.Шарты: телефон арқылы бүгінгі сабақтан нені түсінбей қалдың немесе не қызық болды,жұбыңмен бөліс.

қима қағаз

қағаздан жасалған желпуіш

Қосымша ақпарат

Саралау – Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жоспарлайсыз?

Бағалау – Оқушылардың үйренгенін тексеруді қалай жоспарлайсыз?

Денсаулық және қауіпсіздік техникасының сақталуы

«Ыстық орындық»,«Сөзден сөйлемге» «Фотокөз» ойынын ойнату арқылы қабілеті жоғары оқушылардың белсенділігін арттырамын. «Телефонмен сөйлесу»,«Бинго»,«Жел-

пуіш»әдістерім арқылы қолдауды қажет ететін оқушылардың ынтасын арттырып, зейінін тұрақтандырамын.

Бағалау.

Бағалау парағына әр тапсырмаға жауап берген оқушыларды смайликпен бағалап, сабақ соңында әр оқушының тұсындағы жинаған смайлигін санап, мадақтаймын.

Әріпті жазу барысында партада дұрыс отыру ережесін сақтау керек.