Сыбайлас жемқорлықсыз болашақ

№7.

«Сыбайлас жемқорлықсыз болашақ» тақырыбында өз позицияңды дәлелдеп жаз

Қазіргі кезде қоғамдағы басты дерттің бірі – сыбайлас жемқорлық мәселесі. Сыбайлас жемқорлық халықтың мал-мүлкін, мекмлекеттің қазынасын талан-таражыға түсіретін парақорлықтың бір жолы деп айтуға болады. Сыбайлас жемқорлықпен айналысатын адамды «парақор» деп те атаймыз.

Қоғамға өз дертін жайған сыбайлас жемқорлықтан арылуға бола ма? Менің пайымдауымша, қатаң шаралар мен жазалар қолдансақ, сыбайлас жемқорлықты біржолата жеңуге болады. Ол үшін күллі қоғам болып күресу керек деп санаймын.Сонда ғана сыбайлас жемқорлықсыз болашақ туады.

Сыбайлас жемқорлық адам баласына, адамның өзіне, қоғамға үлкен шығындар мен залалын тигізеді. Соның ішінде парақорлар ерекше зиянын әкеледі. Парақорлардың қатарында жұмысқа парамен алу, тіптен марапат, мадақтамаа сияқты қағаздардың өзін жемқорлық жолмен алу көбейіп жатыр. Сонымен қатар, халықтың жағдайын жақсартуға бөлінген мемелекеттің қаржысының өзі парақорлардың үлесіне тиіп жатыр. Оның қатарына: жол жөндеу, құрылыс ғимараттарын салу, тендерді ұту, жерді заңсыз сату сияқты үлкен мәселелер де тұр. Егер осы жалғаса берсе, еліміздің болашағы белгісіз болады деп білемін.

«Мәңгілік ел» болашағы жарқын болуы үшін сыбайлас жемқорлықты жоюымыз қажет. Жеке адам жалғыз өзі жеңе алмайды, қоғам болып сыбайлас жемқорлықтың алдын алуымыз тиіс. Сол үшін елемізде «Адал ұрпақ», «Адалдық сағаты», «Жемқорлыққа қарсымыз» сияқты түрлі іс-шаралар өтіп жатыр. Баланы мектеп жасынан бастап адалдыққа үйретіп, жемқорлықтан аулақ болуға үндейтін тәрбиелік жұмыстар атқарылып жатқанын білеміз. Осы шаралардың барлығы сыбайлас жемқорлықсыз болашаққа салынып жатқан көпір іспеттес деп түсінемін.

Сыбайлас жемқорлыққа арналған елімізде арнайы заң бар. Заң аясында талай жемқорлар заңға тартылып, жазасын алып жатыр. Дегенмен, сыбайлас жемқорлық неге тоқтамай тұр? Менің ойымша, заңда белгіленген жаза тым жеңіл сияқты. Мысалы, Қытай елінде жемқорларды халықтың алдына шығарып, ату жазасына кеседі. Осы сұмдықты көрген адам ешқашан жемқорлыққа бармайды. Біздің елімізде де болашағымыз жемқорлықыз өту үшін осындай қатаң заңдар мен шаралар керек. Сонда ғана адамдардың арасында осы дерт тоқтайды деп сенемін.

Ойымды қорытындылай келе, сыбайлас жемқорлықсыз болашақ бізге жарқын өмірді ғана емес, болашаққа деген үлкен сенімді береді деп ойлаймын. Ендеше, сыбайлас жемқорлықты жоюға ат салысайық!