TopIQ-мен топта бол!

ТорIQ платформасының оқушыларға тиімділігі!

Жетісу облысы

Сарқан ауданы Сарқан қаласы

Ақын Сара атындағы орта мектеп

7 сынып оқушысы Булат Құралай

Мемлекет басшысы Қасым-Жомарт Тоқаевтың «Оқулықтарды цифрлық форматқа көшіру және оқушы сөмкесін жеңілдету» жөніндегі тапсырмасын жүзеге асыру мақсатында түрлі веб-платформалар өз пайдасын  тигізуде. Соның ең тиімдісі «ТорIQ – цифрлық оқулықтар» платформасы – оқушылар, мұғалімдер және ата-аналар үшін де пайдалы ақпарат көздері орналастырылған, мектеп қабырғаларында оқытылатын оқулықтардың электрондық кітапханасы болып табылатын отандық алғашқы платформа. Бұл білім беру кеңістігі тек электронды оқулықтар кітапханасы емес, сонымен қатар интерактивті тапсырмалары бар мультимедиялық оқу құралы ретінде белгілі.

Мен не үшін ТорIQ-ды таңдадым? Себебі оқушылар үшін ыңғайлы, сапалы, қолжетімді, жаңашыл, ең бастысы – отандық өнім! TopIQ платформасын біздің Ақын Сара атындағы мектебінде мұғалімдер өз тәжірибесінде жиі пайдаланады. Платформа арқылы оқушыларды жаңа тақырыппен таныстырып, видеоматериалдарды көрсетеді. Сабақты бекіту кезеңінде оқушыларға дайын тапсырмаларды беріп, оқушылардың пәнге деген қызығушылықтарын арттырады. Оқушылар тапсырмаларды жеке орындай отырып, қатемен жұмыс жасай алады. Тапсырманы қайта орындау командасының арқасында берілген тапсырма оқушының ойына ұзаққа сақтай алады. TopIQ-мұғалімдер мен оқушылардың қажеттіліктерін ескере отырып жасалған көпфункционалды электронды білім беру платформасы болып табылады. TopIQ платформасы білім алушылардың зияткерлік және шығармашылық дамуы үшін цифрлық дағдыларды қалыптастыруға ықпал етеді. Бұл платформа мұғалімнің жұмысын жеңілдетіп, білім алушылардың қызығушылықтарын арттырады. Ал оқушы үшін тіптен тиімді. Ауыр кітаптарды арқалаған сөмкеден құтқарып, денсаулығын сақтайды, телефон мен ноутбукті жанына серік еткен олардың оқуға қызығушылығын арттырады. Оқушылар үй тапсырмаларын орындауға ерекше құлшынысын білдіріп, аталған платформамен жұмыс істегенді ұнатады. Тіпті сабаққа белсенділігі төмен балалардың тапсырмаларды орындай бастағанын байқауға болады. Қазіргі жазғы демалыс уақытында да мұғалімдер оқушыларға TopIQ платформасындағы көркем әдебиет кітаптарын оқуға кеңес беріп, оқушылар білімдерін жетілдіруде. Бастауыш сынып оқушыларына платформадағы 3D ертегі кітаптарындағы бейне көріністерді көріп, ертегілер оқу ұсынылды. Бұл да балалардың кітап оқуға құштарлығын ашады деген ойдамын.

Интернет дәуірінде дүниеге келген балалардың білімді қабылдау мен қорытуы өзгеше, жан-жақтылық пен цифрлық дүниелерге талпыныстары зор. Сол себепті бәсекеге қабілетті білім жолында барлық оқушыларға ТорIQ платформасын пайдалануды ұсынамын.

Мен Сіздерді білім беруде жаңа технологияларды қолдануда көшбасшы болуға шақырамын! TopIQ-мен топта бол!