Ақтөбе облысы

Мұғалжар ауданы

Талдысай орта мектебінің

денешынықтыру пәнінің мұғалімі

Муханов Айбек Алиханович

«Үйірме жұмыстары»

Оқушылардың сыныптан тыс уақытындағы жұмыстары мектептегі дене жаттығуларымен ұйымдасқан түрде айналысу жүйесін құрайды. Спорттық секциялар спорттың түр түрімен айналы суға тілек білдірушілер үшін құрылады.

Сыныптан тыс жұмыстардың маңызы оқушылар дене тәрбиесінің негізгі міндеттерін толық және сапалы шешуге, бос уақытын пайдалы және дұрыс өткізуге, іріктеп алған жаттығулар түрімен айналысуда балалардың жеке қызығуын арттыруға жәрдемдеседі, жаттығушылардың әлеуметтік белсенділігін дамытады.

Біздің мектептің спорт залында волейбол, баскетбол, теннис үйірмелері жұмыс жасайды. Оқушылар үйірмелерге өз қалауымен қатысады. Волейбол үйірмесі оқушылардың жас ерекшеліктеріне қарай топ құрайды. Ал, теннис жұмасына 1 рет өтіледі.

Сабақ мазмұнының бағыттылығы оқушылар қозғалысының жан – жақты дамуын, олардың «қозғалыс мектебін» меңгеруін, мүсінді дұрыс қалыптастыруын, оқу бағдарламасы материалын меңгеру сапасын жақсартуын қамтамасыз ету қажет.

Үйірмеде мектеп бағдарламасындағы жаттығулардың басым көпшілігі күрделендірілген жағдайда қолданылады.

Көп жаттығулар уақыттың шектелуімен, ал дамытатын жаттығулар дененің түрлі бөліктерінің қозғалыс қимылдарын кеңірек дамыту үшін ойындар мен спорттық жарыс түрінде өткізіледі.

Міндетіміз – спортпен жүйелі айналысуға дайын оқушыларды тарту.