Ұстазға тағзым

Мақала авторы: Онайбаева Мадина Джусупбековна

Оқу орны: «Каспий өңірі «Болашақ» колледжі»

Ұстазға тағзым

Мұғалім деген ат-қасиетті ат.Мұғалім деген аттан таза еңбекті сүйетін мамандық иесі деген сөзді ұғынады. Елдің надандығымен алысатын адам мұғалім.

Сәбит Мұқанов.

Ұстаз – ұлағатты есім. Шәкірттерін білім нәрімен сусындатып, тәлім-тәрбие беруде ұстаздың алатын еңбегі зор. Сондықтан да ол әрдайым қасиетті тұлға ретінде ерекшеленеді. Ұстаз берген тәрбие әрбір жанның өміріне жол сілтер шамшырақ секілді. Өйткені, ұстаз алдынан тәрбие алмайтын жан жоқ.

Ұстаздық өнер - тағылымы терең өнер. Ал өнерлі болу кез келген адамның қолынан келе бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт. Қиындығымен қызығы бірге жүретін мамандықтың шынайы иесі болу үшін көп қиындықтардан өтеді. Өйткені, балаларға білім берумен қоймай тәрбие беру де оңай шаруа емес.

«Білімдіден шыққан сөз, талаптыға болсын кез», деп Абай атамыз айтқандай білім нәрімен сусындатқан «Каспий өңірі «Болашақ» колледжінің ұстаздарына айтар алғысым шексіз. Себебі, колледж табалдырығын аттап басқаннан-ақ, бізді үздік мұғалім болсын деп бар білгенін үйретті. Әртүрлі сайыстарға қатыстырып, әрі қарай шыңдалуымызға көмектесті. Мен үшін пән оқытушыларының алатын орны ерекше. Осы ұстаздар жайында қазақ халқының батыр ұлы Бауыржан Момышұлы атамыз: «Ұстаздық – ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді... . Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да солай ардақтауға міндеттіміз» - деген.