Үздік маман - 2021

Үздік маман-2021

Колледжіміздің «Сәулет» мамандығының түлегі Бөкенов Байбол Әділбекұлы «Майлау және безендіру» жұмыстары құзыреттілігі бойынша Көкшетау қаласында өткен «WorldSkills Kazakhstan-2021» Республиклық кәсіби шеберлік чемпионатына 24.11.2021-06.12.2021жыл аралығында Маңғыстау облысының атынан қатысып, «Үздік маман-2021» медальоны және дипломымен марапатталды.

Бөкенов Байбол колледжде оқып жүрген кезінен ұқыпты, сабағын жақсы оқыды, берілген тапсырманы уақытында орындап отыратын, жолдастарымен жақсы араласатын, кішіпейіл, мінезі жұмсақ, тәрбиелі студентіміз, «Техник-жобалаушы» мамандығы бойынша дипломын алып жұмысқа орналасты. 4 курста оқып жүргенде облыстық «WorldSkills Ақтау» кәсіби шеберлік чемпионатына 2020 жылы қатысып жүлделі орын алды, 2021 жылы Республикалық кәсіби шеберлік чемпионатына қатысуға жолдама алды.

Еңбекқор, жауапкершілігі өте жоғары деңгейде, себебі колледжді бітірген түлек болсада, осы жарысқа барынша дайындалып, қатысты.

Республика деңгейінде өткен жарыс болғандықтан ол жерге жан-жақтан кәсіби шеберлігі шыңдалған студенттер қатысады, сондықтан ол жердеде жеңу де, жеңілу де бар әрине.

«Үздік маман» медалін алғанына да қатты қуандық, себебі біз бірінші рет осындай үлкен чемпионатқа қатыстық және колледж студенттеріне беретін үлгі-өнегесі де мол болды.

Байболға әрқашан биіктерден көріне бер, алатын шыңдарың көп болсын дегім келеді және Байболдың жұмыс орнының басшысына, әжесіне мың алғыс айтқым келеді, осы кісілердің де қолдауының арқасында осындай нәтижеге қол жеткіздік.

Жетекшісі Тулешова Нурсулу Камидуллиевна