Волейбол

Мектеп: “№15 ЖОББМ” КММ

Күні:13.02.25ж

Машықкердің аты-жөні: Алтынбекқызы Назерке

Сыныбы: 9Қ

Қатысқан оқушы саны:

Қатыспағаны:

Сабақтың тақырыбы

Негізгі ережелермен тәсілдер

Оқу бағдарламасына сілтеме жасау

9.1.2.1. Қимыл-қозғалыс комбинацияларын және олардың кейбір дене жаттығуларындағы реттілігін жеткілікті техникалық деңгейде негіздеу және қолдана білу.

Сабақ мақсаты:

 Волейбол ойындарының ережелерін үйренеді

 Волейбол ойындарын үйрету барысында оқушыларды икемділікке,ептілікке, шапшаңдық секілді дене сапаларын дамытады

. Ойын кезіндегі қозғалыс үйлесімділігін дамытуға талпынады

Негізгі мақсаттар

Қозғалмалы ойындарда волейбол элементтерін жетілдіру

Командада жұмыс істеу дағдыларын және көшбасшы болу дағдыларын дамытуға септігін тигізу.

Бағалау критерийі

 1. Волейбол сөзінің мағынасын түсінеді.
 2. Допты қабылдай алады.
 3. Қарсыласқа допты бере алады.

          Бастапқы білім

 Оқушылар волейбол ойыны туралы біледі және допты қарсылас ойыншыға бере алады.

Сабақ барысы

Сабақтың жоспарланған кезендері

Сабақтағы жоспарланған іс-әрекеттер

Ресурстар:

Сабақтың басы

            10 мин.

Тақырыпты, сабақ барысын, бағалау критерийлерін, сабақ мақсаттарын жария ету және түсіндіру, сабақ соңындағы рефлексия туралы ескерту.

Саптық жаттығулар:

 1. Оңға бұрыл!
 2. Солға бұрыл!
 3. Кері айнал!
 4. Секіріспен кері айнал!
 5. Оңға!

Бағыттаушының соңынан оң иық алда, жай жүріспен бас!

Жүру  жаттығулары:

 а) қол жоғары, аяқтың ұшымен жүріп бас!
 ә) қол желкеде, өкшемен жүріп бас!
 б) қол белде, табанның сыртымен және ішкі жағымен бас!
 в) қол алда, жартылай отырып бас!
 г) қол еркін, толық отырып бас!
 ғ) Ысқырық бойынша жоғарыға секіріп, қолды соғу.

Тапсырмасыз! Жай жүгіріске көш

. Жүгіру жаттығулары:

1. Оң қапталмен қолды алдыға айналдырып бас.
2. Сол қапталмен қолды артқа айналдырып бас.
3. Оң (сол) қапталға қайшылап бас!
4. Алға (артқа) қайшылап бас!
5. Аяқты ашып, алға секіріп бас!
6. Екі адым жасап, жоғары секіріп бас!
7. Тізені кеудеге тартып,секіріспен бас!

Класс! Залдың ортасына екі қатар сап түзе!

Жүріс кезінде орындалатын Ж.Д.Ж

1. Қол жанда, 4-сан білектен, 4-сан шынтақтан, 4-сан толық қолды йықтан алға айналдыру
(артқа)
2. Оң қол жоғары, артқа қол ауыстырып сермеу
3. Қол басы құлыпта, 1-4сан білезікті оңға (солға) айналдыру.
4. Қол йықта, йықты алға артқа айналдыру
5. Қол кеудеде, шынтақтан бүгулі, қолды жазып, жазбай сермеу.
6. Қол жанда, сол (оң) жаққа бұрылу.

Әр іс-әрекет түрі үшін үлкен бос кеңістіктің болуы.

Сабақтың ортасы

25 мин.

Волейбол ойынында ең әуелі, бастапқы тұрыс – ойын барысында еңкейіңкіреп, екі қолды шынтақтан бүгіп, басты көтеріп алдыға қарап тұру. Ұшып келе жатқан допты қағып алу үшін әр түрлі қозғалыстар орындалады. Алдыға, оңға, солға, аттау, допты қағу үшін секіріп барып қолға құлап түсу т.б. қозғалыстар орындалады.
В) Ойын барысында орындалатын бұрылыстар.
Волейбол ойынында орындалатын бұрылыстар ойын процесінде негізгі рөл атқарады. Себебі, ойыншы ұшып келе жатқан допты қабылдап алу үшін міндетті түрде бұрылыстар орындайды. Ойыншы орныныда тұрып бұрылуды, ұшып келе жатқан доптың бағытына қарай орындайды. Егерде доп тура келетіндей жағдай болғанда алдыға адымдап барып допты қайтарады. Жалпы бұл қозғалыстың барлығы доптың бағытына байланысты орындалады.
С) Допты ойынға қосу.
Ойыншылар допты ойнға қосудың бірнеше түрін игереді.
1. Жоғарыдан шабуылдап ойынға қосу. Допты мұндай тәсілмен беруді меңгеру үшін иық-шынтақ буындарының қимылдық қабілеті мен күш жеткілікті болуы керек.
2. Бүйірден жоғарыдан шабуылдап беру. Бұған да допты жоғарыдан шабуылдап ойынға қосатын сияқты дағдылану керек.
3. Допты астынан тура беру. Бұл әдіс допты жоғарыдан шабуылдап ойынға қосу сияқты емес, қарсыласына онша қауіп төндірмейді. Берілген бұл допты қарсыластар оңай қайтарады.
4. Допты астынан жанамалап беру. Бұл допты да қайтарып беру үшін қарсыластарына қиыншылық тудырмайды.
Д) Допты беру және қабылдау.
1. Допты жоғарыдан қабылдау
2. Допты төменнен қабылдау
3. Допты жоғарыдан ойынға қосу /Подача/
4. Допты төменнен ойынға қосу /Подача/
5. Ойын ойнар алдындағы ойын алаңында орналасу және орын ауыстыру тәртібі.
Е) Қорғаныс әдістері.
Қорғаныс кезіндегі алаңдағы, яғни доп түсетін орынды біліп тұру – ойыншының ерекше қасиеттері болып табылады. Доп үнемі бақылауда болуы қажет.

Волейбол ойыны аумағы  9∕18м алаңда өткізіледі. Ортаңғы сызық алаңды екіге бөліп тұрады. Ортаңғы сызықтың  үстіне екі бағанға керілген волейбол торы орнатылады. Жасөспірім  ер балаларға арналған тордың биіктігі – 220 см. қыздар үшін 210 см. болады. Ойынға әрқайсысына 6 ойыншыдан болады. Ойынға диаметрі 65 – 68 см. салмағы      250 г – дық доп пайдаланылады. Бір команданың ойыншылары үштен артық қол тигізуіне болмайды. Бір ойыншы допқа екі рет қол тигізуі рұқсат етілмейді. Ойын барысында доп қай алаңға түссе, сол команда осы жолы ұпайдан ұтылған болып есептеледі. Жасөспірімдер ойыны 3 немесе 5 кезеңнен тұрады:

·        13-14 жастағылар үшін

·        15-16 жастағылар үшін

·        17-18 жастағылар үшін

Ережелері:

·        Доп жерге тисе;

·        Команда допқа үш реттен артық қол тигізсе;

·        Доп лақтырылса немесе қолда кідіріп (ұсталынып) қалса;

·        Доп дененің белден төмен кез – келген жеріне тисе;

·        Ойыншы допқа қатарынан екі рет қол тигізсе;

·        Ойыншы торға тиіп кетсе;

·        Қарсы жақтағы допқа ойыншының қолы тиіп кетсе;

·        Доп кезексіз ойынға қосылса;

·        Допты арнаулы орыннан ойынға қоспаса;

·        Допты ойынға қосқан кезде  сол ойыншы алаңның сызығын басып тұрса немесе ішке еніп кетсе;

·        Ойынға қосылған доп бағанға, торға т.б. тиіп немесе  алаңнан шығып кетсе.

Үш ойыншының іс–әрекетін жетілдіру.

  1. Үш ойыншы допты бір–біріне жоғарыдан беру.

Жоғарыдан қабылдаған кездегі ойыншының тұрысы.

 А) Көрсету, түсіндіру.

   Кездесетін қателіктер.
   1. Аяқ бүкпесек.

   2. Допты алақанмен қабылдасақ.

   3. Қозғалмай бір орында тұрсақ.

   2. Допты бір–біріне жоғарыдан беру.

ІІ. Ойын кезіндегі, шабуылшының іс-әрекеті.

3. Шабуылдаушы соққысына секіру.

4. Шабуылдаушы соққысына секіріп, қарсылас алаңға допты лақтыру. (Теннистің добы)

5. Секіріп, допты шабуылдаушы соққымен беру.

6. Секіріп шабуылдаушы соққымен допты қарсылас алаңға бағыттау.

Кездесетін қателіктер.

1. Қолды шынтақтан бүксе

2. Доптың астына секірсе

3. Қол торға тисе

Үлкен бос кеңістік. Волейбол доптары, фишкалар мен конустар, ысқырық

         Сабақтың соңы

5 мин.

Сабақты қорытындылау:  сабақ соңында нәтижелер қорытындыланып, не білгені, қалай жұмыс жасағандары талқыланады. Сабақ рефлексиясы "тегтер" бұлты түрінде жүргізіледі, оларды толықтыру қажет. Мысалы, келесі сөйлемдердің нұсқалары жазылған қағаз жолақтарын үлестіру.

   Бүгін мен ......................... таныстым.
   Маған..................... қиын болды.
   Мен ............................ түсіндім.
   Мен ........................... үйрендім.
   Мен...................... жасай алдым.
   Мен үшін ............................. қызықты болды.
   Мені .......................... таңғалдырды.
   Менің ................................ білгім келді.

Әр оқушы 1-2 сөйлемнен таңдап, оларды толықтырады.

Киім ауыстыру орнына кету.

Маркерлер мен фломастерлер

Саралау – Көбірек қолдау көрсетуді Сіз қалай жоспарлайсыз? Қабілетті оқушылардың алдына қандай міндеттер қоюды жоспарлайсыз?

Дене шынықтыру сабақтарында саралық тәсілдемеге оқушылардың мүмкіндіктеріне қарай олардың дене саулығының, дене дайындығының оңтайлы деңгейіне, сондай-ақ тиісті білім, біліктер және дағдылар көлеміне қол жеткізуге мүмкіндік беретін ерекше тәсілдеме жатады.

Дене дайындығының деңгейі төмен оқушыларды қолдау үшін:  оң қолмен допты алып жүруді қайталау

Қабілетті оқушыларға: допты екі қолмен алып жүру

Бағалау -Сіз оқушылардың материалды меңгеру деңгейін тексеруді қалай жоспарладыңыз?

Сабақтарда бағалауды мұғалім келесілер арқылы сабақ барысында жүзеге асырады:

 Бағдаршам

Қабілетті және белсенді оқушыларға жасыл түстіжұлдызшалар беру.

Аз белсенді оқушыларға сары түсті және қолдауға мұқтаж оқушыларға қызыл түсті жұлдызшалар беру.

Денсаулық және қауіпсіздік ережелерінің сақталуы:

Әр оқу тоқсанының басында бекітілген қауіпсіздік техникасы ережелерімен таныстыру;

Сабақ барысында жайлы жағдай туғызу арқылы;

Тақырыпқа сай әрекет ету мен киінуді қатаң талап ету міндетті;

Жалпы бағалау

Сабақтың жақсы екі аспектісін көрсетіңіз (оқытуға, үйренуге қатысты)?

1:2:

Сабақты жақсартуға не ықпал ете алады (оқыту және үйренуге қатысты)?

1: 2:

Сабақ барысында сыныптың немесе жекелеген оқушылардың жетістіктері /қиындықтары туралы не анықтадым, келесі сабақтарда неге көңіл бөлу керек?