1 тоқсан

Пәні

Қазақстан тарихы

Күні:

Мұғалімнің аты-жөні

Алматы қаласы №102 ЖББМ тарих пәні мұғалімі Исабаева М.Б.

Оқулық

Қазақстан тарихы. Б.Е.Көмеков, Т.С.Жұмағанбетов, К.С.Игілікова 5 сынып, Алматы «Атамұра» 2017

Бөлімі

5.1 А Қазақстандағы ежелгі адамдардың өмірі

Сабақ № 3

Сабақ тақырыбы

Алғашқы адамдардың өмірі

Оқу мақсаты

5.1.1.1 – алғашқы адамдардың антропологиялық белгілерін сипаттау

Зерттеу сұрағы

Алғашқы адамдар қалай өмір сүрді?

Тілдік мақсаттар

Ру, тобыр

Ресурс

Қосымша сілтеме

https://kk.wikipedia.org/wiki/

https://kk.wikipedia.org/wiki/

https://kk.wikipedia.org/wiki/

Сабақтың барысы:

Қысқаша конспект.

Адамдардың алғашқы бірлестігі

Адамдардың алғашқы бірлестігін тобыр деп атаймыз. Алғашқы адамдарға топтасып, тобыр болып өмір сүрген тиімді болды. Олар осылайша бірге аң аулап, жыртқыш аңдардан бірге қорғанды. Тобыр бір жерде тұрақтамай, жеуге жарамды өсімдіктері мол, жануарлары көп аймақтарды іздеп, бір жерден екінші жерге үнемі көшіп жүрген. Тобырда, шамамен, 30–40 адам болған. Бірақ олардың құрамы тұрақты болмаған. Тобырдан бөлінген адам басқа тобырға барып қосылып отырған. Кейіненнен адамдар тобыры бірте-бірте туыстар ұжымын құрып, рулық қауымға айналды.

Рулық қауым– алғашқы адамдардың туыстық жағынан бірлесіп өмір сүрген тұрақты ұжымы. Алғашы кезде рулық қауымда әйелдердің беделі жоғары болған. Олар үй шаруасымен айналысып, жұмыртқа жинап, сүйек инелермен киім тіккен. Ру мүшелері жасаған еңбек құралдары барлығына ортақ болған. Кейін ру ішінде тәжірибесі мол ақсақалдардың беделі арта түсті. Руға қатысты маңызды мәселелер жалпы қариялардың жиналысында шешілетін болды.

Тайпа – ру көсемдері арасындағы келісім шарт негізінде құрылды. Тайпаға өзара туыстық жақындығы барын сезінген адамдар тобы кірді. Тайпа – саяси одақ еді. Мұндай одақты бір көсем басқарды.

Сабақ барысында орындалатын тапсырмалар:

1-тапсырма. Неліктен ежелгі адамдар тобырларға бірікті ?

Кемінде 2 себебін анықтаңыз.

2- тапсырма. Ру болып өмір сүрудің 3 артықшылығын анықтаңыз.

3- тапсырма. Алғашқы адамдардың ұжымының пайда болуы уақытын анықтаңыз.

Сабақты қорытындылау

«Бағдаршам» әдісі

Үйге тапсырма.

§7 оқу. 22-26 беттер. Қосымша тапсырма.

«Алғашқы қауымдық қоғам» тақырыбында әңгіме жаз.

Тарихи тақырыптағы әңгімеге қойылатын талаптар:

1. Материалды терең меңгеру

2. Тақырып бойынша негізгі ұғымдар мен терминдерді дұрыс қолдана білу

3. Өз ойын нақты әрі жүйелі жеткізу

4. Тақырып бойынша қосымша деректерді пайдалану