"Алтын күз" жәрмеңкесі

КҮЗ БАЙЛЫҒЫНА ТОЛЫ ЖӘРМЕҢКЕ

Ә р үйдің қырманы толатын, берекелі де мерекелі алтын күз де келіп жетті. Күз – молшылықтың, байлықтың, берекенің кезі. Қырман басы тазаланып, бау – бақша жиналып, құс базары тарқайтын кез. Күздің байлығы - бау-бақшамызда  әбден пісіп жетілген көкөністер мен жемістер, егіннің иіліп тұрған  бастары. Дастарқанымыз молшылыққа , ет пен майға толы кезең. Күз мезгілінің екінші айында мектебімізде үлкен  мереке «Күз жәрмеңкесі» өтті. Жәрмеңкеге бастауыш сынып оқушылары мен ата-аналары қатысты. Мектеп ішінде ұйымдастырылған шағын жәрмеңке ата-аналар дайындаған тағамдардың көп түрлілігімен таң қалдырды. Жәрмеңке сөрелерінен: сүт тағамдары, қолдан жасалған кондитерлік өнімдер мен түрлі тағамдар, қолөнер туындылары және т.б. орын алды.

Ата-аналар мен оқушылардың дайындығы жоғары деңгейде болды. Сынып жетекшілері оқушылар киіміне көңіл бөліп, балалар тақырыпқа сай киінді. Аталмыш мерекеге қызығушылықпен белсене қатысқан мектеп ұжымы күз сыйының бір «бөлшегін» өзімен ала кетті. Ұйымдастырылған шара соңында мектеп әкімшілігі ата-аналар мен балаларға ризашылығын білдірді. Ата-аналар тарапынан жылы лебіздер мен игі тілектер айтылды.

Абай орта мектебі

Бастауыш сынып мұғалімі:

Алшинбаева С.Б.