Болашағын бағдарлай білген ұтады

Болашағын бағдарлай білген ұтады

Әрбір адам өз болашағы үшін жауапты. Демек жас жеткіншектің алдағы өмірі ата-ана тәрбиесіне тікелей байланысты. Баланы кішкентай кезінен бастап алға ұмтылдырып, белгілі бір мақсатқа талпындыра білу керек деп ойлаймын. Адамзат баласы үшін өмірде қызық өте көп. Бірақ соның ішінде аса маңыздысы – ұрпақ, бала, болашақ. Ұлы Абай атамыз әрнәрсенің шынайы, нақты бағасын бере білген. Сондықтан адамның бар қызығы демейді, «бір қызығы» дейді. Қызығынан үмітті ақынның « баланы оқытуды жек көрмедім » дейтіні де содан.

Әрбір әке өз баласына сыншы. Менің сыншы деп отырғаным сынау емес әрине, баланың ішкі жан дүниесін танып, түсіне білу туралы екені айдан анық. Ата–ана өз баласының бейімін танымай, спортқа жақын баланы өнерге беріп қинап, оның келешекке ұмтылысын жоғалтып алуы әбден мүмкін. Уақытын тиімді жоспарлап үйренген адам әр күнін пайдалы өткізуге, бүгін нақты істеу керек нәрсені ертеңге қалдырмауға тырысады. Ынтасы бар болса әйтеуір бір амал, ынтасы жоқ болса әйтеуір бір сылтау табады. « Мен бүгін газет,оқимын керек нәрсеме жаратамын, себебі ертең мамандығыма керек болады», – деген сөздің өзі мақсаттың бар екендігіне дәлел.

Болашаққа жоспар құру нақты мақсат қоюдан басталады. Кеше армандадым, бүгін мақсат қойдым, әркет етудемін. Ал ертең арманыма жетемін. Міне, осы қағидамен жүрген адам көп нәрсеге қол жеткізеді. Ынта, ықылас, еңбексүйгіштік барлығы өзара үндестік тапқан жағдайда ғана адам сөзсіз мақсатына жетеді. Ол үшін дәл қазіргі сәттен бастап әркет жасау керек.

Досым! Саған айтарым дәл қазір орныңнан тұр да, болашаққа деген жоспарыңды қағаз бетіне түсір. Өзіңе – өзің сұрақ қой, есеп бер. Болашақ неден басталады,оны неден бастаймын деп бір сәтке ойланып көрші. Болашағың өз қолыңда екенін естен шығарма! Болашақ жастарда, болашақ бізде! Өмірге құлшынысы, маманыққа талпынысы бар адамдар, жоғарыда айтылғандардың ешқайсысын естен шығармағаны жөн. Болашағың үшін әркет жаса мен саған сенемін!