Буккроссинг дегеніміз не?

Әйгілі сөз зергері, қоғам қайраткері Әбіш Кекілбаев «Адамды адам еткен – кітап, адамзат еткен – кітап-хана»,-деп керемет атап көрсетті емес пе. Бүгінгі техно логиялар қаншалықты қарқынды дамып жатса да, әлем тарихының айнасына айналған миллиондаған ғылыми, әдеби туындыларсыз адамзат өмірін елестету мүмкін емес. Соған қарамастан, кітапханаға жиі барып тұратындарды немесе кітап дүкендерінен қымбат романдарды сатып алатындарды сирек көретін шығарсыздар. Оған сылтау жоқ емес: біреуі уақыт тапшы десе, екіншісі қалтам көтермейді деп айтуы мүмкін. Ал кітап сыйлау немесе «буккроссинг» деген шара жайында естігендеріңіз бар ма? Бұл әдеби шараға еліміздің кітапсүйер қауымының біраз бөлігі қатысып та үлгерген екен. Бұл мәдени шараның мақсаты – көркем әдебиеттердің оқылымнан шығып қалмай, өз оқырманын табуына ықпал ету, тұрғындардың кітап оқуға деген сүйіспеншілігін арттыру. Әдебиеттің өз оқырманын іздеп шығатын бұл қозғалыс осыдан бірнеше жыл бұрын Америкада басталған болатын.

Ағылшын тіліндегі «буккроссинг» сөзі тура баламасында кітаптың азат етілуі деген мағынаны береді, орысшасы – «книговорот», қазақшаға аударғанда «кітаптың айналыста жүруі». Аталған шараның мәні неде десеңіз: кез келген адам өзі оқып шыққан соң белгілі бір кітапты жұрт көп жүретін жерде әдейі «ұмытып» кетеді, оны басқа бір адам алып оқиды, оқып болған соң, ол да сол жерде «ұмыт қалдырады», сөйтіп кітап үшінші адамның қолына тиеді, осылайша жақсы кітап «саяхатқа шығып», елге тарала береді… Әлемдік жаһанданумен бірге біздің елге де аяқ басқан осы шараның ерекшелігі – рухани игілігіміздің назардан тыс қалып қоймай, қайта айналымға енуінде. Жаппай кітап оқу азайып кеткен қазіргі заманда буккроссинг-ті кітап пен оқырман арасын жақындатудың тиімді жолы ретінде іс-тәжірибеге айналдырудың ешқандай артықтығы жоқ. Жан азығын жаңғырту үшін пайдасы бар аталған тәжірибені өз кітапханаларымызда да қолға алсақ, істі барлық ауылға таратсақ, оқырманын таппай жүрген кітаптарды кеңінен насихаттауға жол ашсақ деп едім. Тұрғындар, кітапханашылар, ұстаздар, оқушылар, кітапхананың тұрақты оқырмандары соған өз үлестерін қосса, нұр үстіне нұр болар еді

«Буккроссинг» үдірісі «өзің оқыдың басқаға бер» принципке негізделген қарапайым әрекеттен тұрады.

Мектепте кітаппен ауысу орыны: мектептің кітапханасы

Сіз:

• Үйде шаң басып жатқан кітаппен бөлісе аласыз;

• Ұнатқан кітабыңызды таңдай аласыз:

• Кітапты қайта тапсыра аласыз;

• Кітап туралы пікір қалдыра аласыз: