"Есірткісіз өмір ғажайып"

«Қызылорда ОПД ЕҚҚІҚБ тарапынан

жарияланған байқауға »

Есірткісіз өмір ғажайып

Қазіргі уақыттағы ең маңызды өзекті мәселелердің бірі – нашақорлық. Яғни, есірткі қолдану. Бүгінгі таңдағы жастардың есірткіні қолданып, оны пайдалануы үлкен дерт болып бара жатыр.

Есірткі дегеніміз – БДСҰ-ның анықтауы бойынша, ауру сезгіштікті жоятын химиялық зат. Есірткіні бір рет тұтынған адам екінші рет тұтынып, оған тәуелді бола бастайды.

Қоғамда зорлық-зомбылық, кісі тонау, кісі өлтіру деректері бойынша көптеген мәселелер бар екенінін білеміз. Есірткіден адам ешқашан пайда тапқан емес-ті. Адам өз-өзін жоғалтып, өмірге деген талпынысы, алдыға қарай өрлеуі төмендеп, адамдарға, туған бауырларына да сенбей осы бір есірткінің кесірінен араласпай кетіп жатыр.

Есірткінің мақсаты – мемлекеттің ұлттық санасын айырып, осы нәрсеге тәуелді ету. Жаңағы айта кеткендей есірткінің әсерінен өз елімізді, жерімізді құртуға дайын тұрып, қылмыстар жасауға әкеліп соқтыруы мүмкін. Бұл өз өміріне балта шапқанмен бірдей іспет-ті.

Қазіргі уақытта есірткі айналымына барлық елдерде қатаң қатаң шектеу қойылған. Сонымен бірге біздің елімізде де қатаң түрде тыйым салынған. Қазақстан Республикасы Үкіметінің 1998 жылы 9-наурыздағы №186 қаулысымен бекітілген тізіміне медициналық мақсатта пайдалануға тыйым салынған есірткі заттардың 72 атауы көрсетілген. Үкіметіміз есірткіге қарсы заң аясында тыйым салғанын ескеретін болсақ, бізде яғни еліміздің жас жеткіншектері де осы заңның елімізде жүзеге асуына өз септігімізді тигізуіміз қажет.

Еліміздің тұңғыш президенті Н.Ә. Назарбаев: «Халықтың денсаулығы – ел дамуының аса маңызды тұтқасы, болашағымыздың кепілі» деп айрықша айқындап өткендей, денсаулығымызды сақтаудың ең дұрыс жол есірткіден аулақ болып, жарқын өмірге қадам басу. Есірткі қолдануды ғажап көріп жүрген жастарымызға, есірткісіз өмірдің ғажап екенін ұғындыру білімді, саналы ұрпағымыздың міндеті деп білемін.

Есірткіден азат қоғамды қалыптастыру, жастар арасында жалпы адамзат өмірінде саламатты және салауатты өмір салтын насихаттау, бүкіләлемдік зұламатқа айналып отырған дерттің кең етек алуын болдырмау мақсатында елімізде көптеген іс-шаралар жүргізіліп жатыр.

Мен есірткі қолданушыларға қарсымын. Басқа жандарға да айтарым есірткіге жоламау керектігін, одан барынша аулақ жүруді насихаттаймын.

Елімізде есірткі қолданушылары жойылған уақытта ғана біз ғажайып болашаққа нық қадам жасай аламыз.

Жақсылық жаса адамға,

Гүл бітсін басқан қадамға.

Есірткісіз өмір ғажайып,

Ермиік біздер жаманға.

Адалдап өмір сүрейік,

Осынау қилы заманда.

Есірткіге қаржы жұмсамай,

Қымбат қой қазір бағаңда

Пейілі ақ ата-анаңды,

Меккеге апар оданда.

Бүгінгі Қазақстандық жастардың сенімі мен жауапкершілігін айта кетіп, жастар қоғам белсенділігінің негізгі құраушысы екендігін ескеріп, салауатты қоғам болу үшін өз құқықтары мен бостандықтарын Қазақстан Республикасының Конституциясында белгілегендей пайдалануға және де Қазақстан Республикасындағы мемлекеттік жастар саясатын толық жүзеге асыру үшін атсалысу керек.

#есірткігеқарсыбайқауы