Журналистиканың жаңа толқыны

Журналистиканың жаңа толқыны

Әдетте, көпшілік журналист деген сауалға ақпаратты жеткізуші және оны теледидарда хабарлап айтушы деп мардымсыз жауап беріп жатады. Әрине, бұл пікір орынды болғанымен, қазіргі дамыған қоғамда бұл саланың өзіндік жетілуіне байланысты журналистиканың жаңа қырлары жарыққа шыққанын атап өту шарт. Ендеше, төмендегі тізімге шолу жасап, бұл мамандықтың сіз білмеген бағыттарын біліңіз.

• Телепродюсер

• Youtube журналист

• Фоторепортер

• Интернет журналист

• Веб-редактор

• SMM журналист

• PR және жарнама маманы

• Коммуникация қызметінің маманы

Міне, журналист ұғымы толық бір кітап болса, оның салалары кітаптың жайқалған парақтары іспетті. Осылардың ішінде нақты тоқталғым келіп отырған бөлік-CMM журналист (Social Media Marketing in Journalism). Аталған бұл қызмет иелері интернетке арнайы бағытталып, оқырмандарды және белгілі бір парақшаны зерттеумен айналысады. Жаңалықтарды түптеп, оны мақсатты аудиторияға бейтараптықты ұстай отыра хабарлап, айқын жеткізетін мамандық саласы деуге саяды. Қазіргі таңда бұл саланың нарықта айтарлықтай алатын орны бар. Себебі әлем елдерінің ең көп қолданатын инстаграм, фэйсбук секілді бағдарламалары оффлайн жұмыстардың орнын бірте-бірте алмастырып жатқанын байқап жатырмыз. Мемлекетімізге журналистика мамандығының жаңа саласы боп жақында енген бұл қызметті жақсы деңгейде атқаратындар жетерлік. Оған дәлел күннен күнге саны да сапасы да өсіп жатырған, халық назарын жаңылдырмай, өздерінің құндылықтарын әсте астарлап та,айқындап та жеткізіп жүрген жас Смм журналистердің көз қызығарлық жұмыстары.Біршама ізденісті, мол ақпараттықты қажет ететін бұл этапқа төленетін ақы мөлшері де көңіл қуантарлықтай екендігін тілге тиек етейін. Сондықтан айтарым, бір ғана мамандықты игере отыра, өз болмысыңызға дөп келетін, бастысы заманның қарқынына сай қызықты да пайдалы қызмет иесі бола аласыз. Жадыңызда болсын, журналистика-ашылмаған қырларға, таңғажайып істерге толы теңдессіз әлем!