×
Сертификат тегін алу үшін
Материал тегін жариялау
ҚР БАҚ(СМИ) тіркеу №9512
Сайт бойынша барлық сұрақтарды 8(771)-234-55-99 (Ватсап) осы номерге жазуға болады. Тәрбиешілерге, ұстаздарға, оқушыларға, студенттерге арналған турнирлер басталды. Толығырақ
Құрметті аттестация тапсыратын ұстаздар аттестацияға арналған сұрақтар мен оның жауаптары дайын болды. Біз оны арнайы кітапша ретінде шығардық. Толығырақ: 8-(707)-358-15-26 осы номерге дәл қазір хабарласыңыз немесе ватсапқа жазыңыз.

Менің педагогикалық ұстанымым мәні, құндылықтары, басымдықтары.

Автор:Жумаханова Гулзира Калибаевна
Бағыты: Барлық пәндер
Бөлімі: Мақала
Сыныбы: Барлық сыныптар
Жарияланған уақыты: 2019-10-02

50-ден астам пәндер бойынша материалдарды тегін жүктеп, сабақ барысында қолдануға болады

Материал туралы қысқаша түсінік

ұстаздарға

Менің педагогикалық ұстанымым : мәні, құндылықтары, басымдықтары«Көптің көзінше баланың кемшілігін бетіне баспа.Әр бала - табиғаттың ғажайып құбылысы

Егеменді еліміздің алдыңғы қатарлы отыз мемлекеттің қатарына қосылуға табандылықпен жылжу саясаты қоғамымыздың барлық саласында түбегейлі өзгерістер енгізіп, жаңа талаптар қойып отыр. Соның ішінде болашақ ұрпаққа әлемдік деңгейде білім беру мақсатына орай білім мазмұнына жаңаша қарау – басты міндеттердің бірі. Қазіргі кезде білім берудің жаңа жүйесінің жасалынуы, білім мазмұны мен әдіс-тәсілдерінің жаңаруы бәсекелестікке қабілеті мол, шығармашылық бағытта еңбектенетін, ой қабілетімен ерекшеленетін азаматты тәрбиелеуді көздейді. «Ұстаздың биігі ойлана қарасаң биіктей береді, үңіле қарасаң, тереңдей береді, қол созсаң қарсы алдыңда, айналсаң артыңда тұрғандай», - деп Сократ айтқандай ұстаздарға қойылып отырған талап өте жоғары. Менің педагогикалық ұстанымымның мәні мен мақсаты, құндылығы жайлы сөз болғанда, Ұстаздық қызметімнің қиындығы мен қызығы қатар жүретінін баса айтқым келеді. Ұстаз ұлағаты - көпке үлгі, ұрпаққа өнеге екенін баста назарда ұстаймын. Бала бойындағы кішкентай қабілетті байқап, оны ары қарай дамыта білген ұстаз ғана ұлағатты есімге лайық. Қазіргі кезде бала бойындағы дарынды дамытып, алған білімін өмірде қолдана алатын , көпшіл, тәрбиелі, ұлттық құндылықтарды білетін, кез келген жағдайдан жол табатын жеке тұлғаны қалыптастыру - әрбір ұстаздың биік мақсаты. «Жаңартылған білім мазмұны» біліктілік курсынан өткеннен кейін менде жаңа идея, жаңа ізденіс пайда болды. Ұстаздық өнегелік жолымда өз ісіме деген биік талғам, шығармашылық ізденіс ары қарай дами түсті. Әрбір сабағымды жаңашылдық пен шығармашылыққа құра отырып, балалардың бойындағы белсенділік, өздеріне деген сенімділік, жаңашылдыққа деген құмарлық, ізденімпаздық, тапқырлық, білімге деген құштарлық олардың көшбасшылығын дамытып, өздеріне деген биік сенімділікті арттырды. Олардың бойындағы осындай қасиеттер менің ұстаздық жолдағы шеберлігіме шабыт, әрбір күніме қуаныш, бойыма қуат, құндылықтарыма деген беріктікті дамытып, өзімді көшбасшы ретінде сезінуіме жол ашты. Қазіргі заман тек мұғалімнің бойындағы білімділікті талап етпейді, сонымен қатар мазмұндық, педагогикалық,технологиялық білімді бойына жинаған сауатты мұғалімді талап етеді. Көшбасшылық қасиетімді айқындай отырып, ұстаздар қауымының білім берудегі процесіне де үлкен ой салдым. Білім мен тәрбие егіз болғандықтан, тәрбие саласында да сынып жетекшісі ретінде жаңашылдық, бірлестік жетекшісі ретінде де ізденіс енгізуге, сыни тұрғыдан ойлауға, ойлай отырып ойлануға күш жұмсадым. Өзім өткізген ашық сабақтар, тренингтерде де оқушы мен мұғалім арасындағы қатып қалған қағиданы, сабақ беру мен алудағы ұстанымдарды өзгерте отырып, жаңартылған білім мазмұнының ерекшелігін ұғындым. Жаңартылған білім мазмұны арқылы оқушылар бойында мынадай қасиеттер қалыптастырады: 1. Оқушылар оқу және тәрбие үрдісінде ғылымға сусап тұрады.Ортамен жұмыс жасай отырып, миға шабуыл жасайды,өз көзқарасын танытады және барлығы белсенді; 2. Оқушылар кездескенде үнемі сөйлеседі, сонымен естерін және шешендігін дамытады. Егер балалардың біреуі жақсы сөз естісе және оны құрбыларына айтса, онда балалардың естері дамиды және өзін-өзі оқыту журеді; 3. Топтық оқытудың келесі қоғамдық пайдасы оқушылар өзара достасады, бірін-бірі сыйлауға үйренеді, өзара дауласады, жарысады және құқықтар мен міндеттер туралы пікір айтысады ;4. Әрбір тапсырмаға нақты дескриптор мен критерий қоюды үйренеді және өзін де, өзгені не бағалауды іске асырады;5. Топқа өзін белсенді санайды, бөліп оқытқанда оқушылардың талпынысы артады, әр оқушы өзін жеке керекті тұлға ретінде сезінеді және өз үлесін қосуға талаптанады. Рас, ізденгіш мұғалім бала бойындағы туа біткен түрлі қасиеттерді дәл байқап, оның сапалық ерекшеліктеріне баға беріп, ары қарай өз бетінше дамыта түсуіне жағдай туғызуы керек, көмектесуі қажет. Елбасы Н.Ә.Назарбаев бір сөзінде: «Біз осы заманғы білім беру жүйесінсіз, әрі алысты барлап, кең ауқымды ойлай білетін осы заманғы мұғалімдерсіз инновациялық экономика құра алмаймыз» деген еді. Елбасы сөзі алысты барлап, көреген көзбен айтылған ойлы пікір екенін қуаттай келе, мен өзімді ұстанымы берік, педагогикалық, мазмұндық, технологиялық білімі жоғары, болашақ бағыты айқын,басым құндылықтарды бағамдай білетін көшбасшы ретінде сезінемін.Ұлы Абай атамыз: «Ұстаздық еткен жалықпас, үйретуден балаға...» деген кемеңгер сөзі менің ұстаздық кредом болып қалыптасты.


50-ден астам пәндер бойынша материалдарды тегін жүктеп, сабақ барысында қолдануға болады

Сертификатты жеке кабинеттегі жетістіктерім бөлімінен жүктеп алуға болады

Материалды сайттан тегін жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.