Өмірге алғысы шексіз

Өмірде түрлі оқиғаларды бастан өткерген Ник Вуйчич. Ол 1982 жылы 4 желтоқсан Австралияда туып өскен. Туғаннан бері оның қолдары мен аяқтары жоқ ол өте тәуелсіз, екі жоғары білімі бар, компьютерге минутына қырық үш сөз тереді, гольф ойнайды, балық аулауды ұнатады, жүзеді. Ник миллиондаған адамдарды шабыттандырып, қолдау көрсету үшін әлемді көп аралайды. Ол өмірде шектеу жоқ екенін көрсетті. Ата-анасы басында ұлдарын қабылдағысы келмеді. Оның жақсы өмір-сүруіне сенімсіздік танытты. Балалық шағы басқа балалар сияқты қызықты өтпеді. Өйткені, өз бетінше өмір-сүру ол үшін қиын әрі басқа балалар сияқты ойнап күлу мүмкін емес нәрсе еді. Оны қатыгез балалар мазақтап, шеттетті. Ол басын қыбырғаға ұрып, өзін бақытсыз сезінді. Жақындары жанынан табылғаны мен оны теріс ойлар мазалады. Бірақ ол қателескенін түсініп, өзіне деген сенімділікті арттырды. Ол көп жұмыс жасаса, ренжісе, жарықта ұзақ тұрса дене қызуы көтеріледі. Сондықтан ол өз денсаулығын жақсы күту үшін жаман ойлар ойламауға тырысты. Ұстазы оның өмірге деген құлшынысы басқа балалардан қарағанда ерекше екенін ата-анасына жеткізді. Сондықтан отбасы оның болашағына үлкен үміт артты. Никтің өмірге деген еш өкпесі жоқ, бастысы өзін дұрыс қалыптастырған тұлға. Өмірімізде кейде көп қиындық болады. Бірақ оған шыдай білу өзімізге байланысты. Кейбір адамдар он екі мүшесі сау болса да, бұл өмірге риза емес. Оның себебі, өмірдегі мәселеден түңіліп, ештеңеге көңілі толмайтындықтан. Мұндай жағдай да Ник сабыр сақтап, ешқашан мойымауды насихаттады. Ол өзі сияқты адамдарға шабыт беріп, бұл өмірде шектеу жоқ екенін көрсетті. Осы тұлға мен үшін мотивация бола білді. Өмірде тек сабыр етіп, құдайдың берген сынағына шыдай білу керек екенімізді ұғындырды.