Қазақстан Республикасының Тұңғыш Президенті күні

Қазақстан Республикасының Тұңғыш Президенті күні 1 желтоқсанда жыл сайын аталып өтеді. Тұңғыш Президент күні – ұлт тұлғасына деген ілтиматты паш етеді.

Түркістан облысының Ордабасы ауданына қарасты «Ынтымақ» жалпы орта мектебінде АББ-нің 19.11.2020 жылғы № 1396 шығыс хаты, Қазақстан Республикасының Тұңғыш Президенті күнінің іс-шаралар жоспары негізінде 20 – 30 қараша аралығында Қазақстан Республикасының Тұңғыш Президенті күніне арналған іс-шаралар өтті. Іс-шараның мақсаты: жас ұрпаққа Елбасының сан қырлы талант иесі, құдіретті тұлға екенін таныту. Елімізге еңсе тіктеп, мемлекетімізді мығымдап берген, халқымызды әлемге танытып, алаш баласының абыройын асқақтатқан Елбасының кісілік келбетін меңгерту. Елбасының көшбасшылық сабақтарынан үлгі алуға тәрбиелеу.

Мектеп кітапханасында Қазақстан Республикасының Тұңғыш Президентіне арналған қашықтықтан басылым және кітап көрмесі, «Елбасы – ел бағы» атты танымдық кеш ұйымдастырылды.

23 қараша күні «Заманауи Қазақстан. Елбасының көшбасшылық сабақтары» тақырыбында бірыңғай онлайн ашық сынып сағаттары, кітапханада «Егемен елдің мақтанышы – Елбасы» атты Елбасы туралы бейнефильм көрсетілімі өтті.

25 қараша күні «Ұлтына қамқор болған Елбасы» атты онлайн көрме, «Мен Президентіммен мақтанамын!» тақырыбында оқушылар шығармашылығы / эссе жазу/ ұйымдастырылды. «Мен Президентіммен мақтанамын!» тақырыбында оқушылар шығармашылығы бойынша ұйымдастырылған /эссе жазу/ байқауда 10 «Ә» сынып оқушысы Исаева Эльанора І орынды, ІІ орынды 8 «Д» сынып оқушысы Қапланов Нұрдәулет, ІІІ орынды 8 «Д» сынып оқушысы Оңал Құттығыз иеленді.

26 қараша күні «Елін сүйген – Елбасы» атты қашықтықтан өткен фотокөрмені ұйымдастырушы-педагог А. Мантеев өткізді.

«Үздік сынып сағаттар» байқауында 8 «А» сыныбының жетекшісі Мантеева Фаризаның, 10 «Ә» сыныбының жетекшісі

Ахшаева Маржанның, 10 «В» сыныбының жетекшісі Аликулова Ұлбазардың сынып сағаттары үзік деп танылды.

«Елбасы – ел бағы» атты танымдық сабақты «Жас өнерпаздар» үйірмесінің жетекшісі Хафизов Қанат өтті.

27 қараша күні Жас патриоттарды «Жас ұлан», «Жас қыран» ұйымына қабылдау рәсімін аға тәлімгер А. Сарсенбаева өткізді. «Жас қыран» ұйымына оқушы 221 қабылданса, «Жас ұлан» ұйымына 145 оқушы қабылданды.

Осындай тәуелсіз еліміздің намысын қорғайтын, бүгінімізді ертеңіне жалғайтын, қазақ елінің болашағы үшін жауап беретін ұрпақ екенімізді сезінейік. Туымыздың тұғыры берік, еліміздің еңсесі биік болсын! Тәуелсіз еліміздің іргесі мықты болсын!